Yakul Ku Yipul Yen

◼ Ov, machuku minch tufanyidina kwilej ni mwin kwilej wa Bibil uyila kurutu?

Chidi chiwamp kudandamen kwilej ni mwin kwilej wa Bibil uyila kurutu djat ni pakezay kupwish mabuku maad​—Chom ik Chakin kamu Chifundishinay Bibil? ni “ Gardez-vous dans l’amour de Dieu. ” Chinech chidi chakin ap anch amubabatish mwin kwilej kurutu kwa kupwish mabuku mawonsu maad. Kupwa kwa dibabatish diend tukutwish kudandamen kuchind chisu, kuchirikinamu, ni dilejan. Anch mwin kulejan ukututwal ni wikalaku ku dilejan, niyend ukuchind chisu.​—Tal Mudimu Wetu wa Want wa Rish 2009, pa paj wa 2.

Chidi cha usey anch antu asu ikal ni mufulandal uwamp mu uyakin kurutu kwa kwimik kwilej nau. Aswiridin kwikal ‘andjikina miji’ mu Kristu ni ‘ikasikeshina mu ritiy’ chakwel apandakan yoziu yitanijadinau nich. (Kol. 2:6, 7; 2 Tim. 3:12; 1 Pita 5:8, 9) Chikwau kand, afanyidin “kwijik uyakin” chakwel ayilej antu akwau nawamp. (1 Tim. 2:4) Pitupwishininga mabuku maad ni in kwilej etu, tuyikwashining kuwanyish rizau rikash mwi ‘njil yitakedil ku kupand.’​—Mat. 7:14, NW.

Kurutu kwa kumwitiyij muntu kanang mulong wa dibabatish, amakurump afanyidin kushinshikin anch uteshin nawamp malejan ma dishin ma Bibil ni ushich kwambatan nich minam. Pakampwil, amakurump afanyidin kushinshikin nawamp mwin kwilej wakad kupwish buku wa kusambish wa kwilej. Anch chakin kafanyidinap kumubabatish muntu kanang, amakurump akez kushinshikin anch watambwil ukwash ufanyidina chakwel awanyish yitinau mulong wa dibabatish mu machuku ma kurutu.​—Tal mu buku Atenchikinau, pa paj wa 217-218.

[Dizu dirumburila chipich chidia pa paj wa 2]

Chidi cha usey anch antu asu ikal ni mufulandal uwamp mu uyakin