Yakumenaku ya Sampul (Anch Kwikil mu Uruund, Sadilany Amboku Magazet ma Français)

Mutapu wa Kusambish Malejan ma Bibil Diampos dia Kusambish pa Mwinkind

“Mu yisu ya mar, turishining nich yikokujol yiletininga minan mu majuku. Ov, utongin anch kwisu tukutwisha kutan umutakel wa kashinsh ukutukwasha kwikal nich mwom wa dijuku wa musangar?” Mulika akula. Kupwa, mwinkisha mwin chikumbu kopi umwing wa Chinong cha Kalam cha pa Mwinkind 1, ni shinshikinany nend pamwing yom yidia mu umwing wa ku mitu ya milong yidia pa paj wa 16 ni 17 ni sadinanyaku umwing wa ku mifund yidiamu. Pan magazet, ni tenchik mutapu wa kuchirik chakwel wisambinany chimwing cha ku yipul yikwau.

Chinong cha Kalam Mwinkind 1

Mekesh pa chibur cha gazet, ni ipul anch: “Ov, mutapu ik ukutwisha kwiyov anch wilej anch adinga ni kukudimb piur pa Nzamb? [Mulika akula.] Tal yom yalonday Yesu piur pa mutapu wa kujingunin uyakin wa makasu. [Tang Yohan 17:17.] Chawiy, Bibil amwinend utulejin uyakin piur pa Nzamb. Gazet winou wisambidin yom ya makasu yitan ya chisu ni chisu piur pa Nzamb mudi muyilejenau mu Bibil.”

Réveillez-vous ! Mwinkind

“Twisambidining mudimu wa patok nlel unou mu majuku. Ov, chom ik ukutwisha kulond piur pa chikangesh chinech chijim chirishiningau nich anvaj pakatau kuyilil an? [Mulika akula.] Anvaj avud achingejining mu yiyul ya mu Bibil. Chilakej, mazu minam ma manangu makwet ukwash uvud chisu chiyipupiningau an. [Tang Efes 4:31.] Gazet winou ulejen mutapu chiyul cha Bibil chikutwisha kuyikwash anvaj ku rizau ni rizau ra anau payilau ni kupan, kudiosh pa wanikanch wau djat ni kushik ku dikum dia mivu.”