Mutapu Uwamp wa Kusanger Miminy ya Want

Atushalapol a Nzamb amening anch mizik yidi chipan cha ufun chidiokidila kudiay Yehova. (Jak. 1:17) Yikumangen yivud yisangaredining kuwang Miminy ya Want yitudishina kurutu ni kupwa kwa yikumangan ya chikumangen yau. Kuwang mizik ya uteokras udi mutapu uwamp umwing wa kutwejish ku yikumangen. Kutukwashining kwirijek mu manangu piur pa difukwil. Chikwau kand, kuwang mazu masu twija madiokidila mu buku wetu musu wa miminy nich mélodies kukutukwash kuwang miminy mu mutapu ufanyidina. Kuwang mizik mudi yiney kupwa kwa chikumangan kulamining mwikadil wa musangar mu kuta urund ni kukasikesh urund wa ukadivar. Chawiy, chisak cha amakurump chifanyidin kutenchik yitenchik yiwanyidina mulong wa kuwang mizik yidiokidila mu Chantons à Jéhovah—Accompagnement au Piano kurutu ni kupwa kwa yikumangan. Awiy afanyidin kushinshikin anch volim udi mu mutapu wisikena ni kangal wakangesh kutesh mambamb.