Yakumenaku ya Sampul (Anch Kwikil mu Uruund, Sadilany Amboku Magazet ma Français)

Mutapu wa Kusambish Malejan ma Bibil pa Diampos dia Kusambish dia pa Chiwong

“Ov, utongining anch Nzamb ukwet dirijek diend nlel unou bil anch utongining anch ndiy utakedining muntu kusu amwinend? [Mulika akula.] Tal yilondiningau piur pa mutapu wirijekinau antu a Nzamb pasutin kal mivu yivud.” Buril Chinong cha Kalam cha pa Kasan 1, pa paj wa 16 ni shinshikinany pamwing malejan madia mwinshin mwa kamutu ka mulong ka kusambish ni tang umwing wa ku maverse majimbwilau. Pan magazet, ni tenchik chakwel umuchirikin ni wisambany nend chipul chikulondulaku.

Chinong cha Kalam Kasan 1

“Harmagedon uding mutu wa mulong wisambidiningau nakash mu mivu ya katat. Ov, utongin anch kudi chom kanang chikutwishau kusal kudi antu chakwel ipuk njit jinej ja Harmagedon? [Mulika akula.] Tal ndond yibudikidina dizu Harmagedon. [Tang Kujingunik 16:16. Kupwa, muleja chibur cha gazet.] Gazet winou upanin yakul ya Bibil ku yipul yiney.”

Réveillez-vous ! Kasan

“Nlel unou antu avud asangaredining kwambambin ku telefon. Ov, utongin anch mutapu winou wa mambamb ukutwish kwikal ni maubaj? [Mulika akula.] Bibil ukwet yany yikutwisha kusal chakwel kwambambin kwetu ku telefon kwikal kwa diking. [Buril pa paj wa 6-9, ni isambinany chimwing cha ku yipul ni mufund ujimbwilau.] Gazet winou ukez kukukwash kujingunin ni kwipuk maubaj ma kwambamb ni antu akwau kusutil ku telefon.”