Yakumenaku ya Sampul (Anch Kwikil mu Uruund, Sadilany Amboku Magazet ma Français)
Mutapu wa Kusambish Malejan ma Bibil Diampos dia Kusambish dia pa Kafunfut
“Muntu mwin mwawonsu mu mashakamin metu usotinining kushakam machuku mavud nich mwom usangareshina. Chawiy tusotina kwijik chitongijok chey pa chipul chinech: Ov, utongin anch siyans ni umwingang yikez kusal chakwel twikala nich mwom wa chikupu dichuku kanang? [Mulika akula.] Tal chilondinau pinap.” Muleja pa chibur cha nsudiel cha Chinong cha Kalam cha pa Kafunfut 1, shinshikinany pamwing malejan madia mu chipul cha kusambish ni tang umwing wa ku maverse majimbwilau. Pan magazet ni tenchik chakwel umuchirikina ni wisamba nend chipul chilondwilaku.
Chiyul: Chakumenaku chinech afanyidina kuchisal pa chisu cha chikumangan cha mudimu wa chingand wa pa Kafunfut 6.
Chinong cha Kalam Kafunfut 1
“Antu avud twisambina nau akwet relijon wau. Pakwez antu akwau akat kulond anch ashadishin kal ruchingej mu marelijon mawonsu. Ov, utongin nchik piur pa relijon? [Mulika akula.] Yesu wapana chany chikutwisha kutukwash chisu tushinshikidining pa relijon. [Tang Luka 6:44a.] Gazet winou wisambidina pa mabuj mamwing mayimp mabudishinau kudi marelijon. Wakwila kand ku chipul chilondina anch: Ov, chifanyidin kwitiyij mu relijon win mwawonsu?”
Réveillez-vous ! Kafunfut
“Tukat kuyendil amutej netu chakwel twisamba nau piur pa mulong wakamishina wa—kasolikany. Antu amwing arishining nich kasolikany kusutil ku kumekesh ujim wau. Ov, utongin anch antu amekeshininga ujim akupandakan mu kuswimp yom? [Mulika akula.] Tal chom chilondinay Bibil chikeza kulet kuswimp kwakin pa divu. [Tang Mateu 6:9, 10.] Gazet winou wakwila ku chipul chilondina anch: Se révolter : est-ce la solution ?”
Rusangu Ruwamp Ridiokila Kudi Nzamb!
“Tukat kwendil majuku mu mukombil mwetu mulong wa kuyilej chitongijok chikasikeshina cha mu Bibil. Antu avud twisambina nau iyipwiling mulong wak Nzamb wa rukat ukutwish kulikidil mar mavud mwamu mu mangand. Ov, utongin anch mar minam mading chikunku cha rutong ra Nzamb ra kwinsambishil mulong wa divu?” Mulika akula. Kupwa buril pa dilejan dia 5, tang ni isambina maparagraf maad ma kusambish ni maverse malalela. Pan broshir ni irijeka chakwel umuchirikina ni ushinshikinany chipul chidi mu ulombu ujal.