Yakumenaku ya Sampul (Anch Kwikil mu Uruund, Sadilany Amboku Magazet ma Français)

Kusambish Malejan ma Bibil Diampos dia Kusambish pa Kachirikin

“Antu avud akimbining kuchirik kwa Yesu. Anch Yesu wachirik, ov, chom ik chimwing ukusota kumusadil?” Mulika akula. Muleja chibur cha nsudiel cha Chinong cha Kalam cha pa Kachirikin 1 ni shinshikinany pamwing yom yidia mu chipul cha kusambish ni tang umwing wa ku maverse majimbwilau. Mwinkisha magazet ni irijeka chakwel uchirik wisamba nend chipul chikwau.

Chinong cha Kalam Kachirikin 1

“Machuku minam wom wa antu ukwatiken nakash mu mutapu chikutwish kukasikan kutongin piur pa Nzamb. Ov, utongin anch chid cha usey kwikal ni Nzamb mu mwom wetu? [Mulika akula.] Mu Malejan mamushena ma pa Mukandu, Yesu walonda anch tuswiridin yom ya usey ya muspiritu chakwel twikala nich musangar wakin. [Tang Mateu 5:3.] Gazet winou wisambidin yom yisatu yimekeshina mulong wak tuswiridin Nzamb.”

Réveillez-vous ! Kachirikin

Antu avud pakach petu akwetining yitongijok yengamidina pa yom twovilinga ap tutangininga mu jinsangu jisu. Ov, ey utongina anch jinsangu jisu tutambwilininga jidi jakin ni ja kashinsh? [Mulika akula.] Bibil utulejin anch tufanyidin kubabal nakash pitukata kuchingejin mu yom tuteshininga. [Tang Job 12:11.] Gazet winou upanin yany yimwing yitukwashininga kutek mazu matuteshininga ni matutangininga mu kupakiu.”