Yakumenaku ya Sampul (Anch Kwikil mu Uruund, Sadilany Amboku Magazet ma Français)

Mutapu wa Kusambish Malejan ma Bibil Diampos dia Kusambish dia pa Mwinses

“Antu avud itiyijining mudi angel. Ov, niyey witiyijining mudiau? [Mulika akula.] Padiau yitangil ya muspiritu angel akwet usu ukash, ov, ey utongin anch awiy akutwish kutukwash? Bibil utulejin mutapu angel ukwashiningau antu nlel unou.” Muleja chibur cha nsudiel cha Chinong cha Kalam cha pa Mwinses 1 ni shinshikinany pamwing yom yidia mu chipul cha kusambish ni tang umwing wa ku maverse majimbwilau. Mwinkisha magazet, ni irijeka chakwel uchirik wisamba nend chipul chikwau.

Chinong cha Kalam Mwinses 1

“Ov, ey utongin anch muntu uyipishining divu pa ndond pa kudirijek? [Mulika akula.] Ap anch muntu kakutwishap kurijek uyimp wasalay, pakwez Bibil utulejin anch Nzamb ukutwish kurijek ni ukwet maswir ma kusal mwamu. Tukwet kashinsh kinak kadia mu Kuseng 65:10. [Tang.] Nimero winou wa Chinong cha Kalam wisambidin pa mutapu ukezay Nzamb kurijek divu ni pa mutapu tukutwisha kusanger yiyukish yiney ya mu machuku ma kurutu. Ov, nikutwish kukushilay chakwel umutanga?”

Réveillez-vous ! Mwinses

“Antu avud alondining anch ayitining kusutish asaa avud ku mudimu kudi amakurump au a mudimu ni amening anch chiyikasikedining kwiyep ku chipwichik chinech. In manangu amwing alondining anch kusutish asaa avud mu mudimu kukutwish kwalet minan, yikutwisha kuyipish ukash wa mujimbu ni wa yovil. Ov, ey utongin anch chom ik chikutwisha kumukwash muntu alama mashakamin ma mwom misikena? [Mulika akakula.] Pinap padi verse wa Bibil wa kutongin. [Tang Mulej 4:6.] Gazet winou wisambidin pa mitapu ya kusadil yinying yikutwisha kutukwash tuteka yom pa ndond ya kusambish ni pa mitapu tukutwisha kurish nich minan pa ndond ya mudimu.”