MASHAKAMIN MA MWIN KRISTU
Mutu wa Mulong Usu wa Kusambish Nich Mambamb
Kudiosh Ngond wa 1, 2016, paj wa nsudiel wa Chinong cha Kalam wading ni mutu wa mulong ulondina anch “Chom ik Chilondinay Bibil?” Mutu wa mulong usu winou aufunda mulong wa kutukwash kusambish nich mambamb ma Bibil. Udi chilik chimwing ni ma trakt. Ukwet chipul piur pa chitongijok cha antu ni ukwet chakul chidiokila mu Bibil, chikutwisha kukushikij ku mambamb ma pakampwil.
Mambamb masangareshina mimedina pa mitu ya milong ya Bibil makat kuyishikijang antu ku kwilej Bibil. Sadin mutu wa mulong usu winou mulong wa kuyikwash antu akweta kuswir kwa yakudia ya muspiritu. —Mt 5:6.
MUTAPU WA KUSADIN MUTU WA MULONG:
Mwipula muntu chitongijok chend piur pa yipul mudi yiney
Mutesha nawamp pakwilay
Tang verse udia mwinshin mwa mutu wa mulong ulondina anch “Chom ik Chilondinay Bibil,” ni mwipula chitonginay piur pa verse winou. Anch ukwet chisu, dandamen ni mambamb ni sadin dinans didia mwinshin mwa mutu wa mulong ulondina anch “Yom ik Yikwau Tukutwisha Kwilej mu Bibil?”
Pan gazet
Irijeka mulong wa kumuchirikin muntu chakwel wisambina chipul cha kaad