Miminy ya Want Yikat Kukasikeshan

Paul ni Silas amushimana Nzamb nich miminy padingau mu rukan. (Mid 16:25) Nlel unou, anamakwetu in Kristu awanga miminy ya Want mu rukan ra Sachsenhausen mu Allemanagne Nazie ni pachininau mu Sibérie. Yilakej yiney yilejen usu ukweta miminy mulong wa kuyikasikesh in Kristu arishina ni milong yikash.

Mazu mavud makwikal ni buku musu wa miminy ukweta mutu wa mulong ulondina anch ‘Tumuwangilany Yehova ni Musangar.’ Anch twatambul buku wetu, tukutwish kusal usu wa kulam mu manangu mazu ma miminy pa kwiyijidish kuwang chisu cha difukwil dia mu dijuku. (Ef 5:19) Mwamu, spiritu utumbila ukutukwash kuvurik miminy yiney anch yakamish yashiken. Miminy ya Want yikutwish kutukwash kulam mu manangu ruchingej retu. Yikutwish kutukasikesh chisu turishina ni milong ap yakamish. Ni anch tukwet chitongijok chiwamp, mazu makasikeshina ma miminy yiney makutukwash ‘kuwang ni musangar’ mulong muchim wetu udi zong. (1Jnsg 15:16; Kus 33:1-3) El komb etu awonsu tusadinany nawamp miminy yetu ya Want!

TAL VIDEO ULONDINA ANCH UN CANTIQUE INSPIRÉ PAR DES PRISONNIERS, KUPWA AKUL KU YIPUL YILONDWILAKU EY:

• Ov, yom ik yamubachika Mukadivar Frost kufund muminy?

• Miminy yayikasikesha mutapu ik akadivar ading mu rukan ra Sachsenhausen?

• Miminy ya Want yikutwish kukasikesh mu yisu ik?

• Miminy ik ya Want ukatina kulam mu manangu?