Chishimushimu Chikasikeshina Ritiy

9:1-7

Tongin mutapu wafanyinay Yesu kwiyov chisu chateshay Tatukwend wa mwiur ukat kulond chisu cha chishimushimu cha kukarumuk anch Umwitiyin. Pakad ntad chom chinech chamukasikesha Yesu mulong wa mar madingay piswimp ni kurish nich. Chishimushimu chinech chikala ni usu nakash padiay Pita, Jakobu ni Yohan. Chayinkisha kashinsh anch Yesu wading Mesia ni akata kumutesh. Pamwing ap kupwa kwa mivu 32, Pita wadandamena kuvurik yom yamanay ni mutapu wakasikeshau ritiy rend kusutin “mazu malejanau aruu a Nzamb”.—2Pi 1:16-19.

Ap anch twamanap ni mes metu chishimushimu chinech, tukat kulejan kuwanyin kwach. Yesu uyikedin mudi Mwant ukweta usu. Piswimp ap, ‘ukupandakan,’ ni ukwazuril njil yitwadina mwi ngand yisu yitentamina.—Kuj 6:2.

Kuman kuwanyin kwa uprofet wa Bibil kukasikeshin mutapu ik ritiy rey?