Ov, Ukat Kutaninamu mu Broshir Tushinshikinany Mifund Dichuku Diawonsu?

Ov, mu chaku chey cha mu spiritu mudi kutang mufund wa Bibil ni makomanter madia mu broshir Tushinshikinany Mifund Dichuku Diawonsu? Anch bwat, ov, ukutwish kusal mwamu? Antu avud akat kushinshikin mufund wa dichuku pamanch mwamu akutwish kutong piur pa yitongijok yiney pasadinau midimu yau. (Jos 1:8; Kus 119:97) Mutapu ik ukutwisha kutaninamu nakash mu kushinshikin mufund wa dichuku? Tang maverse ma piur ap ma pansh manyimburikina mufund wa dichuku. Sal usu wa kutong piur pa rusangu ra Bibil rirumburila mbil yidia mu verse. Kupwa, sadin mbil yiney mu mwom wey. Anch Dizu dia Nzamb dikal nich usu pa mipak yey, dikutakel mwom wey ni ukutaninamu nakash.—Kus 119:105.

Pa mangand mawonsu, dijuku dia Betel dikat kwisambin broshir Tushinshikinany Mifund Dichuku Diawonsu pa chisu cha kudia pamanch. Mivu ya kwinyim ey, minsamb yimwing pakach pa yiney ayiteka pa JW Télédiffusion^® mu mavideo pafundinau anch YINSHIP NI MADISKUR. Chisu ik watadina mavideo minam? Pamwing ap mamwing misambidin kamu yom yikutadina pakampwil. Chilakej, mutapu ik ukutwisha rusangu ra Lot kwikal ni usu pa mipak yey?

TAL VIDEO KANGAL WAKATANY MANGAND (1 Yh 2:15), NI KUPWA AKUL KU YIPUL YILONDWILAKU EH:

• Mbil ik ya Bibil yadinga dishin dia minsamb yiney ya Difukwil dia Pamanch?

• Rusangu ra Lot rimekeshin mutapu ik ubaj wa kukat mangand ap yom yidiamu?—Dis 13:12; 14:12; 19:3, 12, 13, 24-26

• Mutapu ik tumekeshina anch tumukatin Yehova kulik mangand ap yom yidiamu?