Ov, Wirijekin Mulong wa Chivurikish?

Musambu wa nsudiel wa Pasak wasalay Yesu wading wa usey nakash. Mulong rufu rend raseja piswimp, wakata kudia yakudia ya Pasak pamwing nau atwimbuy end ni kuyilej mutapu wa kusal musambu ukwau usu muvu ni muvu, yawiy kamu Yakudia ya Urel ya Nsalejetu. Chawiy wamutuma Pita ni Yohan kurijek mu kapalikany. (Lk 22:7-13; tal chipich cha pa chibur.) Chinech chituvurishin niyetu usey wa kurijek Chivurikish chikusadika machuku ma ngond 27 Ngond wa 3. Chid chakin anch, yikumangen yikurijek yom mud mwin kusal diskur, mukat ni nviny ni yom yikwau kand. Pakwez, yom ik yikutwishay muntu ni muntu kusal mulong wa kwirijek mulong wa Chivurikish?

Rijek muchim wey. Tang ni tongijokin piur pa maverse matadina Chivurikish. Ukutwish kutan program winou mu broshir Tushinshikinany Mifund Dichuku Diawonsu. Apendis B12 udia mu Bibil (La Bible. Traduction du monde nouveau) wisambidin yom yivud piur pa program winou. (Tal kand Mudimu ni Mashakamin Mukand wa Chikumangan wa Ngond wa 4, 2020.) Majuku makutwish kutan jinsangu ja kushinshikin mu difukwil dia mu dijuku piur pa usey wa difut anch matal mu Index des publications ap Ukwash wa Kukimbijol Nich wa Atuman a Yehova.

Yitazuka antu akwau. Lejan nich mushiku mu kampany wa kupan maladikij. Tongin piur pa antu ukutwisha kutazuk, mud antu wachirikidina, malejan ma Bibil makur, antu a chijiken ni anamakwey. Amakurump afanyidin kusal usu wa kuyitazuk Atuman alikina kal kukumangan ni kusal mudimu wa kulejan. Vurik anch ang muntu kashichap ndond udia, ukutwish kutan chisu ni ndond yikusadikina Chivurikish ndond yishichay anch watal pa paj wa nsambishil wa jw.org pafundinau anch YOM YITUTADINA ni waya pafundinau anch “Chivurikish.”

Yom ik yikwau tukutwisha kusal mulong wa kwirijek?