Yisadina Amband Amakurump mud Amakwey, Yisadina Kand Ayangadim mud Anambaz Ey

Bibil utulejin anch tufanyidin kuyisadin in Kristu apamina kal mud amakwetu ni atatukwetu ni kuyisadin ansand mud akadivar ni anambaz etu. (Tang 1 Timote 5:1, 2.) Akadivar afanyidin pakampwil kuyimilish anambaz.

Mukadivar kafanyidinap ap pakemp kwizez kud nambaz ap kusal chom kanang chikutwisha kumwovish usany. (Job 31:1) Mukadivar kafanyidinap ap pakemp kusengan ni yovil ya rukat ya nambaz kusutil kusal yom yimekeshina anch ukwet chitongijok cha kumwat pakwez ndiy kakwetap chitongijok chinech.

Amakurump afanyidin kuta matu nakash ku chipul chikuyipulau nich kalimish kud anambaz ap chom kanang chitina kuyitesh kamu nawamp. Amakurump afanyidin kand pakampwil kuyibangin anambaz akad kwikal ni anfumwau akutwisha kuyichidij.​—Rut 2:8, 9.

TAL VIDEO MEKESH RUKAT RUSHICHING CHIKUPU MU CHIKUMANGEN—KUDI ADIAAFU NI AN ANSHON, NI KUPWA AKUL KU YIPUL YILONDWILAKU EY:

• Mutapu ik chikumangen chamumekeshina Nambaz Myint rukat rakin?

• Rukat ramekesha chikumangen rapana mutapu ik uman mu ul?

• Rukat ramekesha chikumangen rikala nich chibachikin ik padiau an ayangadim a Nambaz Myint?

Mitapu ik yimwing ukutwisha kumekesh rukat mulong wa anambaz udia nau mu chikumangen chey?