Dandamen Kwijidish Ukaliweny Wey wa Kujingunin Yom

Mwin masengan ufanyidin kudandamen kwijidish mujimbu wend mulong wa kudandamen kulam ukaliweny wend. Chilik chimwing, tufanyidin kudandamen kusal usu wa kwijidish ni kulam ukaliweny wetu wa kujingunin yom. (Heb 5:14) Ap anch tukutwish kukat kwimburij mipak yikwatinau antu akwau, tufanyidin kwijidish ukaliweny wetu wa kutong ni kukwat mipak ayinetu. Mulong wak? Muntu ni muntu ukez kapan kuchind mulong wa mipak yend.​—Ro 14:12.

Tufanyidinap kwetu kutong anch tukukwat mipak yiwamp mulong atubatishin kal kwasut kal mivu yivud. Mulong wa kukwat mipak ya manangu, tufanyidin kumuchingejin nakash Yehova, Dizu diend, ni dirijek diend.​—Jos 1:7, 8; Jnsw 3:5, 6; Mt 24:45.

TAL VIDEO “LAM KOM KAWAMP,” NI KUPWA AKUL KU YIPUL YILONDWILAKU EY:

• Emma wading urishin ni mupak ik?

• Mulong wak tufanyidin kwipuk kupan yitongijok yetu piur pa milong yitadina kom ka muntu?

• Chiyul ik cha manangu chamwinkishangau Emma kud ambay a uruw?

• Kwisu kwatanangay Emma nsangu jitadina mulong wend?