MASHAKAMIN MA MWIN KRISTU
Kimb Chitongijok cha Nzamb
Tukatin kumusangaresh Yehova mu yom yawonsu tusadina. (Jnsw 27:11) Mulong wa kusal mwamu, tufanyidin kukwat mipak yikwatijadina ni chitongijok chend ap anch kwikil chijil ap mbil yilejena kamu patok yom tufanyidina kusal. Yom ik yikutwisha kutukwash kusal mwamu?
Ikal ni chaku cha kwilej Bibil pakad kujing. Chisu chawonsu tukata kutang Bibil, yid mud tukat kusutish chisu pamwing ni Yehova. Tukutwish kwilej kwijik chitongijok cha Yehova kusutil kushinshikin yom yasalay pad atushalapol end, ni kusutil kushinshikin yilakej ya antu asala yom yiwamp ap yiyimp ku mes ma Yehova. Anch chatwit kukwat mupak, spiritu utumbila ukutwish kutuvurish malejan ma usey ni mbil twileja mu Dizu dia Nzamb.—Yh 14:26.
Kimbijol. Anch ukimbin kukwat mupak, iyipula anch, ‘maverse ik ap nsangu ik jidia mu Bibil jikutwisha kwinkwash kwijik chitongijok cha Yehova pa mulong winou?’ Lembil ni mwita Yehova chakwel akukwash, kupwa kimbijol mu yom ya kukimbijol nich yidiaku mu dizu diey mulong wa kutan ni kusadin mbil ja Bibil jikwatijadina ni mulong wey.—Kus 25:4.
TAL VIDEO TUFANYIDIN ‘KUBAMBIL NICH KUJIJAMAN’—KUDIA YAKUDIA YIWAMP, KUPWA AKUL YIPUL EY:
Yibachikin ik yarishay nich nambaz changadim twamana kal mu video?
Mutapu ik ukutwisha kusadin yom ya kukimbijol nich mulong wa kuman mutapu wa kupandakan yibachikin ya mutapu winou?
Kwitekin chisu cha kukimbijol ni kusal dilejan dia pakampwil dikutwisha kutukwash kukwat mipak yiwamp kukat kutukwash mutapu ik?—Heb 5:13, 14