Itekina Mipak ya Kuwanyish pa Chirung cha Chivurikish

Muvu ni muvu, Atushalapol a Yehova achingedining Chivurikish nich impu nakash. Mbing jezina kurutu kwa Chivurikish ni jilondwilaku kupwa kwa Chivurikish, tukat kwikal ni mitapu ya pakampwil ya kumushiman Yehova ni kumujikitish mulong wa chipan cha difut. (Ef 1:3, 7) Chilakej, tukat kwipan nakash mulong wa kuyitazuk antu akwau ku Chivurikish. Antu amwing akat kutenchik program wau mulong wa kusal uchibol nkwash wa asaa 30 ap 50 mwi ngond wa Kasatu ap wa Kanying. Ov, ukukat kutanduril mudimu wey wa kulejan pa chirung cha Chivurikish cha muvu onou? Yom ik yikukukwasha kusal mwamu?

Yisu yivud tukat kutwish kusal yom nawamp anch twayitenchik kurutu kwa chisu. (Jnsw 21:5) Chivurikish chasejang kal piswimp, chinech chawiy chisu cha kusambish kutenchik yom. Tongin mutapu usotina kutanduril mudimu wey wa kulejan pa chirung cha Chivurikish, kupwa tongin kand pa yom ufanyidina kusal chakwel utwish kuwanyish mipak yey. Ni mwita Yehova chakwel ayukish usu wey.—1Yh 5:14, 15.

Ov, ukutwish kutongijokinaku pa yom yimwing ukutwisha kusal mulong wa kutanduril mudimu wey wa kulejan pa chirung cha Chivurikish?