MASHAKAMIN MA MWIN KRISTU

Yikwasha Antu akad Kwitiyij Kumwijik Sakatang Wau

Walejenap kal kud antu akad kwitiy, ni watong anch kitiyap kwau nawamp yom wayileja? Anch mwawiy, vurik anch antu avud akad kwitiyij kuwejinaku ni antu akad kwitiyij anch Nzamb udingaku ashikena kwikal Atuman a Yehova. Chisu yivud, antu inay akweting kuswir kwa ukwash wa kushinshikin uman umekeshina anch Nzamb udingaku.—Ro 1:20; 10:14.

TAL VIDEO VURIK ANCH—ANTU AKAD RITIY AKUTWISH KWIKAL NICH RITIY!—ANTU AKAD KWITIYIJ, NI KUPWA AKUL KU CHIPUL CHILNDWILAKU ECH:

Yom yamushikena Tommaso yikutwish kukwash mutapu ik kwikal ni chitongijok chiwamp piur pa mutapu wa kuyilej antu akad kwitiyij?

Your answer

Mutapu wa kusal

Anch muntu walond anch kamwitiyijinap Nzamb, ikal muntu muwamp, ikal nich nkeu, ni limish yitongijok ni yovil yend piur pa mulong winou. (2Tm 2:24) Isambina mutu wa mulong ukutwisha kumusangaresh. Chid nchik anch kud uman umekeshina anch antu avud itiyijin mudiay Nzamb? Anch chid mwamu, sadin mikand ni mavideo yisambidina pa mulong winou. Mabroshir La vie a-t-elle été créée? ni Cing question à se poser sur l’ origine de la vie a mawejin mu Mushet Wetu wa Yom ya Kufundish Nich mulong wa kumaman swa.

Anch kad kapamp key kakusambish, pamwing ap ukutwish kwidjidjek mulong wa kwisamb ni muntu wakad kwitiy mudiay Nzamb. Ov,umenap anch chid cha usey kumwipul mwin kulejan ukweta ukaliweny chakwel akukwasha? Vurik anch, Yehova ukutwish kukukwash kupukun michim ya antu ada mu mwikadil ufanyidina, ap anch kapamp kakusambish kitiyap kwikalaku kwa Nzamb.—Mid 13:48.