Mutapu Walikishinangau Yitil Kurutu Afuta Difut

Akutwish kutulikishin yitil yetu kusutin yakupesh ya difut yapanay Yesu ni mash mend. (Ef. 1:7) Pakwez Bibil ulond anch: “Nzamb mu kushimpish kwend kwa muchim, walikishinang yitil yasalau pasak,” Wasala mwamu kurutu Yesu apana Difut. (Rom 3:25, NWT) Mutapu ik wafanyinay Yehova kusal mwamu ni chisu chawiy chimwing walam mbil jend jitentamin?

Kukwatijan ni chitongijok cha Yehova, chading mud difut ading adifutin kal pa chisu chakwatay mupak wa kuchidij “rubut” rikupandisha antu akwitiyija. (Dis. 3:15; 22:18) Nzamb wading ukwet kashinsh anch ukupan Mwanend kapokal pa chisu chiwanyidina mulong wa kwikal difut. (Gal. 4:4; Heb. 10:7-10) Padingay Yesu pa divu Yehova wamwinkisha usu wakulikishin yitil kurutu apan difut. Yesu wafanyina kulikishin yitil ya antu ading ni ritiy mulong wading wij anch yakupesh yikutwish kubwik yitil.​—Mat. 9:2-6.