Milong ya Ukash wa mu Manangu Yipandiken Kuvulijan Nakash Kud Ansand—Bibil Ulondinap Ik?

Diakajamu pa 13 Ngond wa 2, 2023, le Centre américain d’épidémiologie (CDC) wa mu États-Unis wapalangeshin rapor umwing ulejena piur pa mayej ma ukash wa mu manangu masambisha kal kuyikwat ansand. Rapor winou wamekeshin anch uvud wa an ashikol 40 pa chitot ni kusut akat kunenganan ni kuburen ruchingej.

Dokter Kathleen Ethier, ukata kushinshikinang mayej ma ansand adia ku shikol usadininga mu departema wa CDC chargé des adolescents et de la santé à l’école ulondin anch: “Ap anch kwasut kal mivu dikum tudandamen kuman mutapu mayej ma ukash wa manangu masambishin kal kuyikwat ansand, pakwez kandikal tumanap mutapu upalangena nakash mayej minam kud ayangadin ni kuvulijan kwa yitongijok yiyimp yikwetau piur pa kwijip.”

Rapor winou walondin anch:

Changadim 1 payangadim 10 ni kusut (14 pa chitot) ayikwatin ku usu pakad kwijik mulong wa kulal nau. Dokter Ethier ulondin anch: “Yom yiney yovishin wom nakash. Pakach pa ayangadin 10 amwing wija, pamwing ap umwing pakach pau amukwatin kal ku usu mulong wa kulal nend.”
Piswimp changadim 1 kushik ku 3 (30 pa chitot) ashikedin kukwat mupak wa kwijip amwinend.
Piswimp changadim 1 kushik ku 5 (57 pa chitot) udandamedin kwikal ni ushon ni kwiyov anch kakwetap usey.

Uvud winou wovishin ushon nakash. Chirung cha usand chifanyidin kwikal cha musangar nakash. Yom ik yikutwisha kuyikwash ansand chakwel atwisha kupandakan yikokujol yirishinau nich nlel? Yom ik yilondinay Bibil?

Bibil uyinkishin ansand yiyul yiwamp

Bibil wisambidin patok piur pa yikokujol ya machuku minam ma nsudiel. Ulondin anch machuku ma nsudiel ‘makez kwikal ma mar nakash.’ (2 Timote 3:1-5) Pakwez, Bibil ukwet kand yiyul ya chikupu yikutwisha kuyikwash ansand avud adia pa mangand mawonsu chakwel atwisha kupandakan yikokujol yiney. Mikand ey yipanin yiyul yiwamp yidiokila mu Bibil.

Ukwash mulong wa ansand arishina ni yitongijok ya kwijip

Ukwash mulong wa ansand arishina ni mayej ma kuziy mu manangu, ushon ap yitongijok yiyimp

Ukwash mulong wa ansand akatau kusarumun kud akwau ap kand kusadin tekinoloji mulong wa kusarumun

Ukwash mulong wa ansand arishina ni milong ya kurish ni muntu umushidindina kusal nend masandj ni chisum

Bibil upanin yiyul yiwamp mulong wa anvaj

Bibil upanin kand yiyul yiwamp yikutwisha kuyikwash anvaj chakwel ayikwasha anau arishina ni yikokujol yiney. Mikand ey yipanin yiyul yiwamp yidiokila mu Bibil.