Yesu Ukupwish Yisal ya Chisum

Yesu wij nawamp chirumburikina kuman mar mulong wa yisal ya chisum ni kuburen kutentam. Amudimbena makasu, amubula pakad kumurumburish, amusadina mu mutapu wakad kutentam, amufisha nich pakad mayingishin ni amujipa kwa chisum. Mulong kadingap ni mulong kanang, wipana kwa kwikatin ni pakad choy ‘wapana mwom wend mud difut mulong wa kuyikol antu avud.’ (Mateu 20:28; Yohan 15:13) Katat, paday Mwant wa Want wa Nzamb, ukulet chisambu pa mangand mawonsu, ukupwish kamu rawonsu yisal ya chisum.—Isay 42:3.

Bibil ulejen mutapu ukwikala mangand chisu chikusambishay Yesu kutakel yom anch:

• “Antu ayimp kakwilakup kand. Anch wayikimbap nchik, kiukez kayimanap kand. Pakwez itudishina akez kaswan ngand, akez kasangar nakash ni kuzangijal mu chisambu.”​—Kuseng 37:10, 11.

Mutapu ik tukutwisha kumekesh anch tusangaredin yom yatusadinay kal Yesu ni yikusalay kand mu machuku ma kurutu? Mu mazu mada mu Luka 22:19, Yesu wayileja in kwilej end kuvurik rufu rend. Chawiy muvu ni muvu, Atuman a Yehova akat kukumangan mulong wa kuvurik rufu rend. Tukutazukin chakwel ukumangana netu pamwing ku Chivurikish cha rufu ra Yesu chikusadika Darubing, 24 Ngond wa 3, 2024.

Mulong wa Kukumangan ku Chivurikish