Mazu ma kwinshin

a “Chisu chikezau kuchirishiu yom yawonsu” chasambisha pa chirung chatenchikau Want wa Mesia ni Mwant mwin wadinga wa mu dijuku dia David, mwant ushinshamena. Yehova washilamu kudi David anch umwing wa mu dijuku diend ndiy ukeza kwikal ntakel chikupu. (Kuseng 89:35-37) Pakwez, kupwa kwa kushesh Yerusalem kudi Babilon mu muvu wa 607 K.C.C., kikwadingap mwan ap umwing wa mu dijuku dienday David washakama mu chitwam cha Want wa Nzamb. Panap pa divu, Yesu wavadika mu dijuku dienday David; kupwa chisu Yehova chamwikadishay mu chitwamu cha want mwiur, ndiy wikala Mwant washilaumu kudiok pasak.