Mazu ma kwinshin

b Pakwez Karmel udi ching ufukina ni wizwil yifukish, mudi rikind wa chitalosh wadiokalanga mu karung wakandama ku tubet twend, chisu ni chisu wadinga ni kusha ruvul ni maum mavud. Mulong adinga amwitiyijin Baal anch ndiy uletina ruvul, chawiy chasalay anch pa mukandu pinap pikala ndond yijim ya kumwifukwidil Baal. Chawiy, pa Karmel paumina chau ni paburendina kusong pasala pikal pandond pafanyidina kuumekeshin Ubaal anch udi wa makasu.