Mazu ma kwinshin

a Ansand amusadidina Yehova nlel arishin ni yikokujol yitina kutakaman ni kushal ashinshamena kud ndiy. Ambay nau a ku shikol akutwish kuyisip mulong itiyijin anch yom ayitanga. Ap akutwish kand kupakish kuyibachik chakwel iyova anch ad a chamwamu. Pakwez mutu wa mulong winou ukumekesh anch awonsu amwimburijina muprofet Daniel ni amusadidina Yehova ni kutakaman ni kushinshaman ad chakin kamu in manangu.