Muminy 2:7; 3:5—Ov, mulong wak ayangadim a mu chipang achipila machip “kwi nkay ni ngurungu”? Ankay ni angurungu ijikening mulong wa kuwap ni ufun wau. Chakin kamu, changadim Silamit wayishindila ayangadim a mu chipang mu mitapu yin yawonsu anch chiwapin ni chidi cha ufun anch alika kulangwish rukat rend.

Muminy 2:7; 3:5. Changadim wa ku makunku kamukatap Salomon. Wayichipisha kand ayangadim a mu chipang machip anch kangal alangwish rukat rend mulong wa muntu windjing wakad kwikal nsangarum kafung. Chidingap chitwishikina ap chiwamp kumekesh yivol ya rukat mulong wa muntu windjing. Mwin Kristu mujich usotila kwatan ufanyidin kushinshikin ching kusu kashalapol wa Yehova ushinshamena.—1 Korint 7:39.