10. Mulong wak chitwishikin kulond anch atushal azizidilau many adi ‘piur pa michid ni piur pa mant’?

¹⁰ Chidiay “Mwant wa michid,” Yehova wamwinkisha Jeremiy mudimu wa kulejan uruu wa dirumburish ku michid ni ku mant. (Jer. 10:6, 7) chad, mwi njil ik mudiau atushal azizidilau many “piur pa michid ni piur pa mant”? (Jer. 1:10) Mudi muprofet wa pasak, chisak cha Jeremiy achinkishin kal mudimu kudiay Mukaleng wa Mangand mawonsu. Chawiy lel chisak chinech cha atushalapol azizidilau many a Nzamb achinkishin mbil ya kulejan uruu wa dirumburish pa mangand mawonsu pantaliken ni michid ni mant. Payinkishinau ulabu udiokila kudiay Nzamb wa Piur Nakash ni kusadil rudim ridia zwang wa Dizu diend dipepidilau, chisak cha Jeremiy chilejen anch michid ni mant ma nlel akez kuyidiosh ni kuyishesh pa chisu chatenchikay kal Nzamb ni kusutil ku yom yatonday. (Jer. 18:7-10; Kuj. 11:18) Chisak cha Jeremiy chakwatin mupak kudandamen kusal yom swa mu mudimu wend wamwinkishau kudi Nzamb wa kulejan uruu wa dirumburish dia Yehova pa mangand mawonsu.

14, 15. (a) Ov, yibudikin ik yadiokala ku kulamat mu mutapu ushinshamena kwa Jeremiy mu mudimu wend? (b) Ov, chom ik chiyisangareshina antu a Nzamb nlel unou piur pa mudimu wa kulejan?

¹⁴ Jeremiy walejana kubabesh kwa Yehova ni uruu wa dirumburish pakad kuziy, chikwau kand ndiy wasota kusal mudimu wend wa “kutung ni kukun.” (Jer. 1:10) Mudimu wend wa kutung ni kukun wasonga mabuj. In Yuda amwing ni antu akad kwikal in Isarel apanda ku kusheshik mu 607 K.C.C. Twij anch kwading in Rekab, Ebed-melek ni Baruk. (Jer. 35:19; 39:15-18; 43:5-7) Arund nend a Jeremiy inay ashinshamena ni amwovila Nzamb wom ayifanikeshin antu akweta ruchingej ra kushakam pa divu akat kuta urund nlel unou nich chisak cha Jeremiy. Chisak cha Jeremiy chikwet musangar ujim wa kutung ritiy ra “chisak [chinech] chipandikena kujimb.” (Kuj. 7:9) Chilik chimwing, arund inay ashinshamena a azizidilau many akat kasangar nakash pakatau kuyikwash antu a kashinsh chakwel ikala nich ronganyin rakin.