-
Ov, Ukez Kwend Pamwing ni Nzamb?Chinong cha Kalam—2005 | Kalang 1
-
-
5. Mulong wak Yesu wisambina kuwejaku kwa kachilik ku mwom wa muntu?
5 Chisu chivud Bibil ukat kwisikej mwom ni weny ap kwend. Yisu yimwing, kwisikej kwinoku kuding kamu zenzal, pakwez yisu yikwau, kuding kwa mu chirumbidij. Chilakej, Yesu walonda anch: “Nany wa pakach pen ukata kwitong ukutwish kwanzukesh kachilik kununguku ku mwom wend?” (Mateu 6:27) Mazu minam makutwish makukasiken kutesh. Mulong wak Yesu wisambina kwanzukesh “kachilik,” chilik chidia cha chintampu, ku “mwom” wa muntu, mwom ukatau kwilik nich chintampu cha mivu?a Yesu wadinga ni kwisambin mwom mud weny. Inge, ndiy wafundisha anch kwitong kukezap kukukwash kuwejaku ap kusu kachintampu kakemp ku weny wa mwom wey. Chawiy lel, ov, tufanyidin kulond anch kwikil chom ap chimwing tukutwisha kusal piur pa kulep kwa weny winou? Chakapuk chaya mwa! Chinech chitushikijin ku chipul cha kaad, Mulong wak tuswiridina kwend pamwing ni Nzamb?
-
-
Ov, Ukez Kwend Pamwing ni Nzamb?Chinong cha Kalam—2005 | Kalang 1
-
-
a Yikarumun yimwing ya Bibil yikarumwin dizu “kachilik” mu verse winou nich chilik cha muten, mud “kachisu kakemp” (The Emphatic Diaglott) ap “minit umwing” (A Translation in the Language of the People, wa Charles B. Williams). Pakwez, dizu diasadilau mu mifund ya kusambish dirumburikin kamu anch kachilik, kadinga ni kulep kwa asantimetre 45.
-