Pakwez, kudi yom yikwau yasadika pamubatishau Yesu. ‘Diur diamwanzurikina.’ Chinech charumburika ik? Pamwing ap charumburika anch chisu chamubatishau Yesu, ndiy wavurika mwom wadingay nich mwiur kurutu avadika pansh. Chawiy, chisu chavurikay Yesu mwom wadingay nich mudi mwan wa muspiritu wa Yehova, wavurika kand uyakin wamufundishau kudi Nzamb padingay mwiur kurutu avadika panap pansh.

Kupwa kwa kumubatish Yesu kudi Yohan, spiritu wa Nzamb wamubachika kuya mwi mpay ya Yudeya. Wading ni yom yivud ya kutongijokin. Pamubatishau Yesu, “diur diamwanzurikina.” (Mateu 3:16) Wasambisha kuvurik yom yilejay ni yasalay padingay mwiur. Chawiy mwi mpay mwadingay, wading ni yom yivud ya kutongijokin!