Wasadila chilakej chakin cha mwom wa kafung, Yesu walonda anch: “Muntu anch ukwet chitot cha amikoku, ni umwing wa pakach pau anch wapumbuk mwindj, komb kakushap makum chidivu ni chidivu ni kuya mu mikandu ni kusot wapumbukina washadik? Anch mwamu, pakumutanay, chakin kamu nakulejany anch, ndiy ukumuzangijadil chipandikenamu makum chidivu ni chidivu akad kupumbuk. Mwamu kand mudia rukat ra Tatukwen udia mwiur, kasotilip umwing wa mu an akemp ang ajiya.” (Mateu 18:12-14) El tutalany mutapu ulejenay Yesu panap ranaken ra Yehova piur pa mwin kumwifukwil Wend umwing ni umwing.

Pasadilay chilakej chinech, Yesu walonda anch Nzamb kasotinap anch “umwing wa mu an akemp ang ajiya.” Kwisambishil, Yesu wayibabesha in kwilej end anch kangal amupwakesh “umwing wau akemp inang angitiyila am.” (Mateu 18:6) Chilakej chinech cha Yesu chitulejin ik lel piur pa Yehova? Ndiy udi Kafung umubangidina mukoku umwing ni umwing, pamwing ni “an akemp”—akutwisha kumekan anch kakwetap usey ku mes kwa mangand. Inge, ku mes kwa Nzamb, umwing ni umwing wa in kumwifukwil end ushalijadin ni ukwet usey.