Ndiy walonda anch: ‘Ayuk kwau antu ija anch akwet kuswir kwa yom ya muspiritu, mulong Want wa mwiur udi wa awiy. Ayuk kwau antu akata kudil, mulong akez kuyongoj. . . . Ayuk kwau akweta nzal ni impu ya kutentam, mulong awiy akez kayikutish. . . . Ayuk kwau azengodilau mulong wa kutentam, mulong Want wa mwiur udi wa awiy. Wayukany kwen pakat kukuswingishanyau, ni kukuzengolany . . . mulong wa kwingambat am. Sangarany kwen ni kuzangijal.’—Mateu 5:3-12.

Yesu walonda anch antu ija maswir mau ma yom ya muspiritu, adi antu akata kwinan mulong wa mwikadil wau wa chitil ni asadininga usu wa kumwijik ni kumusadin Nzamb awiy inay akweta musangar wakin. Ap anch ayikisining ap ayizengodining mulong asadin rusot ra Nzamb, antu inay akwet musangar mulong ij anch akat kumusangaresh Nzamb ni ndiy ukez kuyifut mwom wa chikupu.