-
Ov, Ukez ‘Kuchishany ku Mes’?Chinong cha Kalam Chilejen Want wa Yehova—2015
-
-
9. (a) Ov, kubabesh ik kwapanay Yesu piur pa kuzel tul? (b) Ov, mutapu ik wakulau in Kristu azizidilau many pateshau dizu dilondina anch: ‘Ngatan wez kal’? (Tal kand mazu ma kwinshin.)
9 Chom chakaad chayikwasha ayangadim inay chading kucha ku mes. Chikutwish kushiken anch in Kristu azizidilau many alala tul nakash pakad kuchish ku mes? Mwaning. Shinshikin yalonday Yesu piur pa ayangadim dikum anch “asambisha kuzel” palabay ngatan kushik. Yesu wading wij nawamp anch, ap anch muchim wau wading akatin kuchingel pakwez mijimbu yau yafanyina kuziy. In Kristu azizidilau many asadin usu kusadin chiyul chinech mu kusal mudimu ni kushal ababela ni achila ku mes. Mu chishimu chinech, ayangadim dikum akula ku dizu diateshau mukach mwa uchuku anch: ‘Ngatan wez kal!’ Pakwez ching ayangadim ajijamana djat ni kwinsudiel. (Mat. 25:5, 6; 26:41) Chidi nchik piur pa in Kristu azizidilau many a nlel? Pakwez mu machuku minam ma kwinsudiel, in Kristu azizidilau many akwil ku dizu ditoyinau anch, ‘Ngatan wez kal’—usotil kamu kushik. Ajijamen ni adandamedin kucha ku mes djat kamu pakushikinay Ngatan.a Chad, tushinshikinany katat chikunku cha nsudiel cha chishimu cha Yesu chimedina pa chisu cha nsudiel. Ov, mutapu ik?
-
-
Ov, Ukez ‘Kuchishany ku Mes’?Chinong cha Kalam Chilejen Want wa Yehova—2015
-
-
a Mu chishimu chinech, mudi chisu chisutina pakach pa mazu, ‘Ngatan wez kal!’ (mu verse 6) ni kwez, ap kushik kwa ngatan kudia (mu verse 10). Mu machuku minam ma nsudiel, azizidilau many ababela ajingunin kal yijingidij ya kwikalaku kwa Yesu. Ij kamu anch ‘washik’ kal—uyikedil mudi Mwant wa usu. Akat kurish nich yikokujol kushik ni pakwezilay, ap pakushikinay.
-