Yesu walonda kand anch: ‘Pakwez antu avud adia a kusambish, akwikal a kwisudiel, chad antu adia a kwisudiel akwikal a kusambish.’ (Mateu 19:30) Chom ik chakimbay kulond?

Nsand winou mpich mwin kutakel wading wa “kusambish,” pakach pa antakel in Yuda. Padingay mwin kulam yijil ya Nzamb, ndiy wamekesha patok yom yadingay ni kutong ni yom yasalangay. Pakwez, ndiy wateka mapit pa ndond ya kusambish mu mwom wend. Chinyim ni chinech, antu avud ading mwi ngand yiniya ajingunina anch malejan ma Yesu madi makin ni matwadin ku mwom. Tukutwish kulond anch awiy ading “ansudien,” pakwez, ashikena ku kwikal “a kusambish.” Awiy achingejin kushakam mu jinkwas ja want mwiur pamwing ni Yesu mulong wa kuyikel pa divu dikwikala Paradis.

Yesu wayileja in kumutesh end a mu Pere anch “antu avud adia a kusambish, akez kwikal a kwinsudien, chad antu adia a kwinsudien akez kwikal a kusambish.” (Mateu 19:30) Ndiy wachirikina kand malejan minam mu chishimu chisambinay cha in mudimu a mu chir cha nviny anch: