Yesu walonda anch: “Kwading muntu umwing mpich wading udjit maswin ma ufun ma usey ukash, wading ni kwisangarish nich misambu pichuku-pichuku. Kwading kand muntu umwing [mwin kwitol], dijin diend Lazar, wading ukwet mujimbu wa yitat lap. Amuletanga ku chis cha chikumbu cha mpich winiwa. Wasotanga kudia jinkuku japalokanga mwinshin mwa mes ma mpich. Chad kand atubu ezanga ni kumulash pa yitat.”—Luka 16:19-21.

Mutapu ik ampich inay adia antakel in kwitutul mwayimanau atuzwendj? Ayimana antu ina mudi adi ‛am-ha’arèts, chirumburikin anch antu a mangand, akad kwijik Chijil nawamp ni akad kuwanying kufundish. (Yohan 7:49) Atuzwendj inay amekeshin mwikadil wadingay nich “[mwin kwitol] dijin diend Lazar,” wading ufila chipupu cha nzal ni wadiang “jinkuku japalokanga mwinshin mwa mes ma mpich.” Mudi mwadingay Lazar nich yitat, antu amwing adia mu mwikadil mudi winou akwet mayej ma muspiritu.