3. (a) Mutapu ik kusongish kwetu kwa “dibuj dia spiritu” kumutumbishin Nzamb? (b) Yipul ik tukeza kushinshikin?

³ Ngikadil yikatau kubudish kudi spiritu winou utumbila yimekeshin untu wakin wa Yehova Nzamb, Musul wa spiritu winou. (Kol. 3:9, 10) Yesu walejana diyingish dia usey difanyidina kuyibachik in Kristu chakwel asala usu wa kumwimburij Nzamb payilejay atwimbuy nend anch: “Mwawiy mukumutumbishilau Tatukwam anch, en wasongany mabuj mavud.”a (Yoh. 15:8, TMK) Pitukudishina “dibuj dia muspiritu,” yibudikin yimekening mu mutapu wetu wa kulond ni wa kusal yom; chinech chikat kumushiman Nzamb wetu. (Mat. 5:16) Mu mitapu ik dishalijadina dibuj dia spiritu nich yaku ya mangand ma Satan? Ov, mutapu ik tukutwisha kusongish dibuj dia spiritu? Ov, mulong wak chikutwish kutukasiken kusal mwamu? Tukez kushinshikin yipul yiney pitukeza kwisambin milad yisatu ya kusambish ya dibuj dia spiritu​—rukat, musangar, ni chisambu.