Kupand ku Ujim wa Nzamb

4, 5. Ov, chom ik chimekeshina anch ujim wa Nzamb udi pa ditenchik dined diyimp dia yom?

⁴ Bibil ni jinsangu jikash japasak ja antu jimekeshin anch kudiosh pasalay Adam chitil, ujim wa Nzamb ‘udi padiau’ antu. (Yoh. 3:36) Chinench chimeken patok anch kwikil muntu ap umwing ukutwisha kwiyep ku rufu rikutwisha kumushiken. Ukaleng wa Satan wakangeny kal patok kuyilam antu ku mar, ni kwikil winyikel wa antu ap umwing watwisha kuwanyish maswir ma antwend awonsu. (1 Yoh. 5:19) Chawiy lel, antu adandamedin kuman mar ma njit, chisum, ni uzwendj.

⁷ Kambuy Paul walonda anch Yesu “watukamunina ku ujim usotila kwez.” (1 Tes. 1:10) Kumekesh kwinoku kwa nsudiel kwa ujim wa Yehova kukez kushiken ku kusheshik kwa chikupu kwa akayitil akad kukarumuk. (2 Tes. 1:6-9) Ov, nany ukeza kupand? Bibil ulondin anch: “Ukwitiyila padiay mwan ukwet kal mwom wa chikupu, pakwez ukulika kuziyil kudi mwan kakez kamanip mwom, pakwez ujim wa Nzamb udi padiay ndiy.” (Yoh. 3:36) Mwawiy, antu awonsu adia aom ni itiyijina mudiay Yesu ni difut, pa chisu chikeza kusheshik ditenchik dined, akez kupand ku yibudikin ya ujim wa dichuku dia nsudiel dia Nzamb.