7, 8. Ov, mutapu ik mwom wa antu aad awanyidina wayitakela antu ku yibudikin yishalijadina?

⁷ Nich rukat, Yehova watenchika yom chakwel antu apandakana chitil chaswanau. Paul warumburila anch chinech chading chitwishikin kusutil kudi muntu mukwau, uwanyidina​—Adam wa kaad. (1 Kor. 15:45) Pakwez mwom wa muntu ni muntu pakach pa antu inay aad awanyidina waletin yibudikin yishalijadina nakash. Ov, mutapu ik chidi mwamu?​—Tang Rom 5:15, 16, TMK.

⁸ Paul wafunda anch: “Kupan kwa Nzamb kikudip mudi tuyimp twinetu.” Adam wawila mu tuyimp twinetu, ni chawiy chatambulay dirumburish mulong wa chitil chend​—ndiy washikena ku kufa. Chikwau kand, kafap amwinend kusu. Bibil ulejen anch: “Mulong wa chitil chend chimwing chaleta rufu.” Dirumburish dined piur pa Adam dikala dia chilik chimwing pantaliken ni anend akad kuwanyin kuwejaku niyetu. Chikwau kand, tukutwish kutambul dikasikesh pa kwijik anch muntu uwanyidina, Yesu, ukutwish kulet chibudikin chishalijadina ni chaletay Adam. Chibudikin ik? Chakul chidi mu mazu mafunday Paul anch “kupand kweza kudi antu awonsu ku kwiyingish mulong wa kutentam kwa muntu umwing.”​—Rom 5:18, TMK.

9. Ov, chom ik chasalay Nzamb payelau antu anch adi in kutentam, mudi mwafundau mu Rom 5:16, 18?

⁹ Ov, kurumburik ik kudiokila mu mazu ma Grek mafundau anch “twaleta kuyingish” ni “kupand kweza kudi antu awonsu ku kwiyingish”? Mwin kukarumun Bibil umwing wafunda anch: “Chidi chifanikesh chimekeshin chom pa chom mu mutapu uwanyidina. Chilejen piur pa kukarumuk kwa mikadil ya muntu mu urund wend ni Nzamb, chidiap kukarumuk kwa muchim wa muntu bwat . . . Chifanyikesh chinech chimumekeshin Nzamb mudi nkalansambu wakwata mupak mulong wa kumukwol muntu wafishau nich, waletau kurutu kwa dirumburish dia Nzamb, muntu wafishau anch udi wakad kutentam. Pakwez Nzamb washikena ku kumukwol.”

14, 15. Ov, difut ik diapanau kudi antu atazukinau kudi Nzamb anch atentamina, pakwez chom ik chiswiridinau kand kusal?

¹⁴ Tongin bil pa difut mudi ik dikwetay Mwin dikand diawonsu dia kulikishin chitil cha muntu chaswanay ni chasalay! Ukutwishap kuchind uvud wa yitil yasalau antu kurutu kwa kwikal in Kristu; chikwau kand, Nzamb ukutwish kulikidil yitil yiney mu kusadil difut. Paul wafunda anch: “Chariy cha Nzamb cheza kwinyim kwa yitil yivud chaleta kuying kwakin.” (Rom 5:16) Atwimbuy ni antu akwau atambula chipan chinech cha rukat (ikala in kutentam) akez kudandamen kumwifukwil Nzamb wakin mu ritiy. Nich difut ik mu machuku ma kurutu? Antu “awonsu atambwila ranaken ruvud ni chariy cha kutentam kwa Nzamb, awiy inay akez kayikel mom yau mu Yesu Kristu.” Chakin, chipan cha midimu yitentamina mu mutapu windjing. Chipan chading mwom ni yibudikin yend.​—Rom 5:17; tang Luka 22:28-30.