Paul kitiyijap anch yibudikin yiney yiyimp yawonsu yidi yakin bwat. Ndiy wading wij anch Yesu amuvumbula ku rufu, ni walejana mu wiswimp uman kudi in Korint anch, “Kristu wafa mulong wa yitil yetu mudi mufundilau mu Mukand wa Nzamb. Amujika, chad pa dichuku dia chisatu ndiy wavumbuka wikal kand mwom mudi mufundilau mu Mukand wa Nzamb. Chad kwinyim kwa kuvumbuk, ndiy wamekana kudi Pita ni kudi atwimbuy awonsu dikum ni aad.b Chad wamekana kapamp kamwing kudi in kwitiyij yitot yitan ni kusuta, antu inay avud achidi aom, akwau akemp afil kal. Chad wamekana kudi Jakobu, chad wamekana kand kudi atwimbuy awonsu. Kwinyim kwa yom yiney yawonsu, ndiy wamekana kudi am.”—1 Korint 15:3-8.