MUMINY WA 10
Tumushimanany Yehova Nzamb Wetu!
Dichap
(Kuseng 145:12)
1. Pan uyaj kudi Yehova Nzamb!
Lejan dijin diend kudi awonsu!
Lejan anch dichuku didi piswimp,
Yikwasha antu chakwel atesha.
Yehova ulejen anch chawiy chisu
Cha kumwinkish chad Mwanend Want.
Yileja antu awonsu rusangu riner,
Yileja yiyukish ya Nzamb!
(KWAKUL MWAS)
Pan uyaj kudi Yehova Nzamb!
Lejan kujimb kwend pa divu diawonsu!
2. Shiman Nzamb! Ni muwangila!
Tumbish dijin didia dijim!
Ni muchim wa kujikitish,
Lejan ntumb yend kwawonsu ni mushiku.
Nzamb upandaken kamu kujimb nakash,
Udi muwamp kudi antu in awonsu.
Nzamb Tatukwetu mwin riy wij maswir metu;
Ukwakul anch twamutazuk.
(KWAKUL MWAS)
Pan uyaj kudi Yehova Nzamb!
Lejan kujimb kwend pa divu diawonsu!
(Tal kand Kus. 89:27; 105:1; Jer. 33:11.)