Mareferans ma Mudimu ni Mashakamin Mukand wa Chikumangan

NGOND WA 5 RUBING RA 3-9

YOM YA USEY YIDIA MU DIZU DIA NZAMB | KUCHIND MICHID 27-29

“Mwimburija Yehova—Ipuk Kasolikany”

wp13 1/6 paj 11 par. 14

Sangerany Nakash Ngikadil Ya Yehova

¹⁴ An amband inay atan amusejina Moses ni kumwipul anch: “Ov, mulong wak chikudioshau dijin dia tatukwetu ku dijuku diend mulong ndiy kakwetingap kwend an amakundj?” Awiy amuleja anch: “Chawiy twinkishany uswan pakach pa anamakwend a tatukwetu.” Ov, Moses watadika ni kulond anch, ‘Kwikil mutapu wa kujiril chijil chinech’? Bwat, ndiy “watwala mulong wau kurutu kwa [Yehova].” (Kuch. 27:2-5) Pakwez, mutapu ik wayakulay? Yehova wamuleja Moses anch: “An amband a Selofekad ayingil kwau. Ey ukez kayinkish chibar cha uswan pakach pa anamakwau atatukwau. Kudi awiy kwawiy kuukeza kupanyin uswan wa tatukwau.” Yehova waya kulemp nakash. Ndiy walejana chom chadia chiburedina mu chijil, ni kumulej Moses anch: “Anch muntu wafa wakad kusha an amakundj, en ukez kupanany uswan wend kud mwanend mband.” (Kuch. 27:6-8; Jos. 17:1-6) Kudiosh pinipa, in Isarel amband awonsu afanyina kurish ni mulong wa mutapu winou, afanyidina kuyiking.

wp13 1/6 paj 12 par. 15

Sangerany Nakash Ngikadil Ya Yehova

¹⁵ Winou wadinga mupak wakad kasolikany mud ik! Yehova wayisadila amband inay adinga mu mwikadil wa kuburen mwin kuyikwash, nich kalimish, mudi mwadingay ni kuyisadil in Isarel adinga mu mwikadil uwamp. (Kus. 68:5) Riner rid rusangu rumwing pakach pa jinsangu jivud jidia mu Bibil jimekeshina uyakin winou ukasikeshina anch: Yehova ukat kusal yom pakad kasolikany pantaliken ni atushalapol end awonsu.​—1 Sam. 16:1-13; Mid. 10:30-35, 44-48.

wp13 1/6 paj 12 par. 16

Sangerany Nakash Ngikadil Ya Yehova

¹⁶ Ov, mutapu ik tukutwisha kwimburij kuburen kasolikany kwa Yehova? Vurik anch, kuburen kasolikany kukwet yom yaad. Ching kusu anch tud akad kasolikany chad lel twatwish kuyisadin antu akwau pakad kasolikany. Chakin, etu awonsu tukatining kwiman ayinetu anch tud akad katond ni akad kasolikany. Pakwez, ukutwish kuman anch chiswapelap kushinshikin yovil yetu nawamp. Chawiy lel, chom ik tukutwisha kusal chakwel twijika anch tukwetap katond? Chakin, pasotay Yesu kwijik chadingau antu ni kulond piur pend, ndiy wayipula arund nend a kashinsh anch: “Ov, antu akat kumwel Mwan a muntu anch ndiy nany?” (Mat. 16:13, 14) Ov, umenap anch chidi cha usey kumwimburij Yesu? Ukutwish kuyipul arund ney amwing ukata kuchingejin chakwel akuleja anch ukwet kasolikany ap bwat. Katat anch wajingunin anch ukwet katond ka chikit, ka chisak ap ka kusot ching antu akweta nfalang, ov, chom ik ukusala? Mulembila nakash Yehova piur pa yovil yey, mwita chakwel akukwasha kutenchik mwikadil wey ni kwipuk kasolikany mu yom yawonsu.​—Mat. 7:7; Kol. 3:10, 11.

Mapit ma mu Spiritu

it-2-F p. 850 par. 1

Milambu

Mulambu wa Yakuna. Mulambu wa yakuna aupanang pamwing ni milambu yikwau, pakampwil kupwa kwa in Isarel kushakam mwi Ngand ya Kushilamu. (Kuch 15:2, 5, 8-10) Mulambu winou wading maar (“maar malewishena”) ni amazizilang pa chintamb. (Kuch 28:7, 14; ilakej ni Kub 30:9; Kuch 15:10.) Kambuy Paul wayifundina in Kristu a ku Filip anch: ‘Ap anch anzizin mud mulambu wa yakuna uzizidilau pa yakupesh ni mudimu utumbila wakubachikanyau kusal kud ritiy ren, am nisanger.’ Mu verse winou wasadina chilakej cha mulambu wa yakuna, mulong wa kumekesh anch wading ukatin kwipan nakash mulong wa ambay nend in Kristu. (Fl 2:17) Chisu chikemp kurutu kwa kufa, wamufundina Timote anch: “Chisu cham cha kwimpan mudi [mulambu wa yakuna] chawanyin kal, chisu cha kuya chashiken kal.”​—2Tm 4:6.

RUBING RA 10-16 NGOND WA 5

YOM YA USEY YIDIA MU DIZU DIA NZAMB | KUCHIND MICHID 30-31

“Wanyish Machip Mey”

it-2-F p. 1164

Machip

Mading ma Kwisotil, Pakwez Anch Muntu Wachip, Wading Ufanyidin Ching Kumawanyish. Machip amasalang kwa kwisotil. Pakwez anch muntu wachip, chijil cha Nzamb chading chimwitin kuwanyish machip mend. Chawiy, machip mading mud ‘amakasidin ku mwom wa muntu,’ charumburik anch mwom wend wading mu chizu mulong wa kuwanyish yom yachipay. (Kuch 30:2; tal kand Ro 1:31, 32.) Mulong mwom wading mu ubaj, chawiy choviken patok mulong wak Mifund yituyudin kubabal nakash kurutu kwa kuchip, kushinshikin chikurikina yisend tukwikala nich mulong wa machip metu. Chijil chalonda anch: “Anch wez wachipany machip kudi [Yehova] . . . Nzamb wen ukez kakwipulanyam. Chamwamu chikez kikal chitil kudi en. Pakwez anch wez walikany kuchip machip men, kiukez kikalanyap nich chitil, bwat.”​—Kuv 23:21, 22.

it-2-F p. 1164

Machip

Kud kushilamu kwa pakampwil kud Nzamb mulong wa kusal chom kanang, kupan mulambu ap chipan kanang, kwipan mu mudimu ap kwitiyin mashakamin kanang, ap mulong wa kulik kusal chom kanang ap anch kachikangeshinap kwau mu chijil. Machip amasalang kud muntu kwa kwikatil ni pakad kumushindil. Mulong kud kushilamu kwa pakampwil, kuchip kwading kwa usey nakash mud kushilamu, ni yisu yimwing mazu minam maad akat kumasadin pamwing mu Bibil. (Kuch 30:2; Mt 5:33) Mu “machip” mud yom yivud kusutamu kusu kwau kulond yom yitonginay muntu kusal, pakwez “kushilamu” kud kulond patok kurutu kwa muntu ukweta ulabu yom yitiyidinay muntu kusal mulong wa kupan kashinsh anch yom yilondinay yid yakin ni ufanyidin kamu ching kuyisal. Yisu yivud kushilamu kwashikijang ku kusuk manswik.​—Dis 26:28; 31:44, 53.

w04-F 1/8 p. 27 par. 3

Manans Majim ma Buku wa Kuchind Michid 30:6-8

Ov, ngatan mwin Kristu ukutwish kujip machip ma mukajend? Nlel anch muntu wachip kud Nzamb, ud mulong umutadina ndiy amwinend ni Yehova. Chilakej, kwipan kud Yehova mad machip mamutadina muntu amwinend. (Galatia 6:5) Ikundj kakwetap mbil ya kujip machip mud minam. Pakwez, ngachik ufanyidin kwipuk kuchip yom yakad kukwatijan ni Dizu dia Nzamb ap yakad kukwatijan ni yisend yend pantaliken ni nfumwend.

Mapit ma mu Spiritu

it-2-F p. 1203 par. 4

Jefite

Yisu yimwing ayipanang antu mulong wa kumusadin ching Yehova ku chikumbu chend. Anvaj ading akwet mbil ya kusal mwamu pad anau. Chilakej, mwawiy muchading piur pa Samwel, mulong makwend Ana wachipa kumupan mulong wa kusal mudimu ku dizang kurutu kwa kumuval. Machip minam amitiya kud nfumwend Elikana. Pamusumunau kamu Samwel, Ana wamupana ku dizang. Ana wamutwala mwanend, ni watwala kand nnam mud chakupesh. (1Sam 1:11, 22-28; 2:11) Samson wading mwan mukwau wapanau mulong wa kusal mudimu wa Nzamb mud mwin Nazir.​—Ank 13:2-5, 11-14; tang Kuch 30:3-5, 16 mulong wa kwijik ulabu wadingay nich tatuku pad mwanend mband.

RUBING RA 17-23 NGOND WA 5

YOM YA USEY YIDIA MU DIZU DIA NZAMB | KUCHIND MICHID 32-33

“Ukayopatangany in Ngand Awonsu”

w10-F 1/8 p. 23

Ov, Wij?

“Jindond ja piur” jijimbwilau tupamp tuvud mu Mifund ya Hebereu jading jindond ik?

Pashikau in Isarel piswimp ni kwandam mwi Ngand ya Kushilamu, Yehova wayileja kushesh jindond jawonsu ja difukwil dia in Kanan ading ashicha kwinikwa. Nzamb wayileja anch: “Ukashesholangany akish au a mayal, ukaumbwolangany yirumbidij yau yawonsu ya utad wa kuchil, ni kupochol jindond jau jawonsu ja piur jikat kuyifukwilau.” (Kuchind Michid 33:52) Jindond jinej ja difukwil dia makasu chimeken anch jading pamutaj pa misong ya mikandu ap ajitungang ku jindond jikwau, mud mwinshin mwa mitond ap mu misumb. (1 Ant 14:23; 2 Ant 17:29; Ezekiel 6:3) Pa jindond jinej pading yintamb, manguj matumbila, atupony, yintamb ya malash ni yom yikwau ya difukwil.

w08 15/2 paj 27 par. 5-6

Ilejina Kusutil ku Kurumbuk kwa in Isarel

Nlel unou, turishin nich yoziu yivud yifanikena ni yarishau nich in Isarel. Antu a pa chirung chetu akat kwifukwil akish. Akat kwifukwil nfalang, in kwipuwangesh, in masengan, yitenchik ya chipolitik, in kutakel amwing a chirelijon, ni ap yid ya dijuku. Yiney yawonsu yikutwish kwikal yituswiridina mu mwom. Kukudish urund wa piswimp ni antu akad kumukat Yehova kukutwish kutushikij ku kusheshik kwa muspiritu.

Masandj mading chom cha kusambish mu difukwil dia Baal chayipwita ni kuyidimb in Isarel avud. Mipit ya chilik chimwing yiyikwatin amwing pakach pa antu a Nzamb. Chilakej, muntu wakad kubabal udia pa Internet anch washat pa ndond yakad mufan mulong wa kwijik yijingaminamu ukutwish kuman yom yikutwisha kuyipish kom kend kawamp. Chikwikal cha ushon mud ik anch mwin Kristu wawil mu pornografi ku Internet!

it-1-F p. 392 par. 4

Kanan

Nich manangu, Joshua “wamaziyila [mazu] mawonsu wakad kushap dizu ap kusu dimwing dia yom yamulejau Moses kudi [Yehova]” piur pa kuyishesh in Kanan. (Jos 11:15) Pakwez muchid wa in Isarel waziyilap umutakel uwamp wa Joshua ni kasheshap musul wa yom yiyimp yading yiyipishina ngand. Mulong in Kanan adandamena kwikal mukach mwa in Isarel, ayifundisha yaku yau yiyimp ni mukusut kwa chisu ajipeshisha antu avud nakash (kuwejinaku kand yom yiyimp yasalau, masandj ni kwifukwil akish) yom yafanyinau kwipuk in Isarel anch aziyina nich kushinshaman kwi mbil ya kuyishesh in Kanan awonsu. (Kuch 33:55, 56; Ank 2:1-3, 11-23; Kus 106:34-43) Yehova wayibabesha in Isarel anch kutentam ni dirumburish diend yiding yakad kasolikany ni anch ang ata urund nau in Kanan, atijan nau, ifukwil nau pamwing, ni imburij yishankur yau ya chirelijon ni yisal yikwau yiyimp, niyau akuyirumburish mud awiy, akez kasheshik ni ‘ngand yiney yikez kayirik.’​—Kub 23:32, 33; 34:12-17; Lev 18:26-30; Kuv 7:2-5, 25, 26.

Mapit ma mu Spiritu

it-1-F p. 933 par. 6

Mwimbu

Kupwa kwa kuta ubal ni kujingunin mutambu ufanyidina kuya muchid kanang, chading chitin katat kwijik kujimb kwa ndond yifanyidinau kuwinkish kukwatijan ni chom chikwau chading chifanyidinau kushinshikin: kujimb kwa muchid. “Ukez kayangenany ching ku kuta ubal mud mudia majuku men. Muchid ukweta antu avud, ukez kawinkishany chibar chijim cha uswan, ni muchid ukweta antu akemp, ukez kawinkishany kand chibar chend chikemp. Kwawonsu kukeza kawil ubal wa muntu, kwawiy kwinikwa kukeza kikal kand [uswan wend].” (Kuch 33:54) Anch ubal walejan mutambu udia ndond yifanyidina kuya muchid, mupak winou aulimishang, pakwez kujimb kwa ndond ya uswan wa muchid kwaswimpang. Chawiy, pamanau anch ndond ya muchid wa Yuda yading yijimbin nakash, akatulaku chikunku chapanau ku muchid wa Simeyon.​—Jos 19:9.

RUBING RA 24-30 NGOND WA 5

YOM YA USEY YIDIA MU DIZU DIA NZAMB | KUCHIND MICHID 34-36

“Chinyin Kudiay Yehova”

w17.11 paj 10 par. 4

Ov, Ukat Kuchinin Kudi Yehova?

⁴ Pakwez yom ik yafanyina kusadik anch mwin Isarel wamujip muntu pakad kutongin? Ap anch rufu rashiken pakad kutongin, muntu wajipanang ufil kwend nich mulong wamujipang muntu pakad mulong. (Disambishil 9:5) Pa mulong mudi winou, Yehova walonda anch chifanyidin kumwovil riy. Muntu wajipanang pakad kutongin wafanyina kumuchin mwin kufundakesh mash, ni kuya mu musumb umwing pakach pa misumb musamban ya kuchinin. Chad akumulik ashakam mu musumb winiwa, ni akumuking. Pakwez ukudandamen kushakam mu musumb winiwa djat ni pakufilay mwin kupesh mujim.​—Kuchind Michid 35:15, 28.

w17.11 paj 11 par. 6

Ov, Ukat Kuchinin Kudi Yehova?

⁶ Anch mwin Isarel wamujip mukwau pakad kutongin, wafanyina kuchinin mu musumb wa kuchinin ni wafanyina ‘kulejan mulong wend’ kud amakurump ading ku chis cha musumb. Amakurump afanyina kumwak nawamp. (Joshua 20:4) Mu kusut kwa machuku, afanyina kumuchirish mu musumb wajipenay chakwel amurumburisha kud amakurump a musumb winiwa. (Tang Kuchind Michid 35:24, 25.) Anch amakurump aman anch rufu riner rasadikang pakad kutongin, akutwish kwau kumuchirish muntu wajipanang mu musumb wa kuchinin.

w17.11 paj 12 par. 13

Ov, Ukat Kuchinin Kudi Yehova?

¹³ Mulong ud mukach mwa musumb wa kuchinin, mwin kuchin winou ud kamu mu diking. Yehova walonda piur pa misumb yiney anch: “Yikwikal ya kwikangil.” (Joshua 20:2, 3) Yehova kalondap anch mwin kuchin winou amurumburisha kand kapamp kakwau piur pa mulong wawiy umwing, bwat. Chikwau kand, mwin kufundakesh mash kamwitiyangap kwandam mu musumb chakwel amujipa. Anch mwin kuchin winou ud mu musumb, wiyovang kamu nawamp mu diking dia Yehova. Kadingap mu rukan bwat. Ukutwish kusal mudimu, kuyikwash antu akwau ni kumusadin kand Yehova mu chisambu. Inge, ukutwish kamu kwikal ni musangar ni mwom uwamp!

Mapit ma mu Spiritu

w91-F 15/2 p. 13 par. 13

Difut Diwanyidina Mulong wa Kuyikol Nich Antu Awonsu

¹³ Adam ni Ev kakutanyinapamu mu difut. Chijil cha Moses chading chikwet mbil yading yilondina anch: “Kangal wez watambulany difut dia kukwol nich mwom wa mwin kujipan ukweta mulong wa kufa.” (Kuchind Michid 35:31) Adam kamudimbap, wasala chitil kwa kwikatin. (1 Timote 2:14) Chid mud wayijipa anend, mulong wayiswanisha kuburen kuwanyin ni wayandjika mu uswik wa rufu. Chakin kamu Adam wading uwanyidin kufa, mulong wading muntu uwanyidina, pakwez wakwata mupak wa kubwambwil chijil cha Nzamb kwa kwikatin. Chikutwishap kukwatijan ni mbil jitentamina ja Yehova anch Adam watanyinamu mu difut. Mulong afuta difut dia chitil cha Adam, anend afanyina chad kukwolik mu uswik wa rufu! (Rom 5:16) Kukwatijan ni chijil, usu wa chitil wa kujipan ausheshina ku musul kwin. Muntu wapanau kwikal difut “wapaka rufu mulong wa muntu [m]wawonsu,” mwamu wasenda yibudikin ya chitil ya an awonsu a Adam.​—Hebereu 2:9, TMK; 2 Korint 5:21; 1 Pita 2:24.

RUBING RA 31 NGOND WA 5–6 NGOND WA 6

YOM YA USEY YIDIA MU DIZU DIA NZAMB | KUVURIK YIJIL 1-2

“Dirumburish Didi dia Nzamb”

w96-F 15/3 p. 23 par. 1

Yehova Ukatin Kutentam

Amakurump a chikumangen akwet chisend cha kurumburish milong ya yitil yikash. (1 Korint 5:12, 13) Chisu chisadinau mwamu, afanyidin kuvurik anch kutentam kwa Nzamb kukat kumekesh ranaken anch chitwishikin. Pakwez anch kwikil diyingishin dia kusal mwamu—chillakej, anch muntu wasalang chitil kamekeshinap anch ud mwin kukarumuk—chitinap kumekesh ranaken. Pakwez amakurump kafanyidinap kumwopat muntu wasalang chitil mulong wa chinshilend. Akat kuchingej anch dipup adinau dikumukwash muntu kuchirish manangu. (Ilakej ni Ezekiel 18:23.) Mwinshin mwa umutakel wa Kristu amakurump akat kuchidij kutentam ni akat kwikal mud “ndond ya kujingam mulong wa ruvul wa rinkind mukash.” (Isay 32:1, 2) Chawiy, afanyidin kwipuk kasolikany ni afanyidin kwikal isikena.​—Kuvurik Yijil 1:16, 17.

w02-F 1/8 p. 9 par. 4

Tuziyinany Nich Kushinsham ku Umutakel Watekinay kal Nzamb

⁴ Mulong wa kwikal nzwij, kwading yom yivud ya kusal kusutamu kusu kwau kwijik Chijil. Mulong ading antu akad kuwanyin, amakurump ading afanyidin kurish ni yovil yau yawonsu ya chiwuntu—mud kwitongin, kasolikany, ris—yom yikutwisha kuyipish dirumburish. Moses wayileja anch: “Kangal wikalany ni dirumburish dia kasolikany kudi mukemp ni kudi mujim. Kangal wez wovany wom kurutu kwa muntu, mulong dirumburish didi dia Nzamb.” Chakin kamu, anzwij a mu Isarel arumburishang pa ndond ya Nzamb. Diading dilau dikwamushena!​—Kuvurik Yijil 1:16, 17.

Mapit ma mu Spiritu

wp13 1/9 paj 9 par. 9

Yivurish ya Yehova Yidi Yakin

⁹ Padingau in Isarel mu weny wa mivu 40 “mwi mpay yawonsu ya mar,” Yehova kayinkishap kurutu yijikish pa kachom ni kachom piur pa mutapu ukuyitakelay, ukuyilamay, ni kuwanyish maswir mau. Chikwau kand, ndiy wamekesha chisu ni chisu anch afanyina kumuchingejin ndiy ni kuchingejin mu yany yend. Patekay dinguj dia didj muten ni dia kasu uchuku, Yehova wayivurisha in Isarel anch ndiy wading uyikwashin padingay ni kuyitakel chakwel asuta mu jindond jinej jiyimp. (Kuv. 1:19; Kub. 40:36-38) Ndiy wawanyisha kand maswir mau ma pakampwil. “Yidjal yau kiyapukap, ap yidjatil yau kiyananap.” Chikwau kand, “kwikil chom ap kusu chimwing chaburenau.”​—Neh. 9:19-21.

RUBING RA 7-13 NGOND WA 6

YOM YA USEY YIDIA MU DIZU DIA NZAMB | KUVURIK YIJIL 3-4

“Yijil ya Yehova Yid ya Manangu ni Yitentamin”

it-1-F p. 1199 par. 2

Manangu

Muntu ukata kwilej Dizu dia Nzamb nich mushiku ni kusadin yom yilejinay ukutwish kwikal ni ronganyin nakash kuyisutamu alejend, ni ukutwish kand kwikal ni manangu nakash kuyisutamu amakurump. (Kus 119:99, 100, 130; ilakej ni Lk 2:46, 47.) Chid mwamu mulong ronganyin ni manangu yidiokil kwi mbil ja Nzamb jishitwila ni jitentamina; chawiy in Isarel paziyinangau nich kushinshaman kwi mbil jinej, michid yading yiyinyigumukina yayimanang anch ad “antu akweta ronganyin ni manangu.” (Kuv 4:5-8; Kus 111:7, 8, 10; ilakej ni 1 Ant 2:3.) Muntu ukweta manangu wijing anch chid chiyimp kubwambwil ku Dizu dia Nzamb, ukatining kushakam kukwatijan ni mbil jinej ni ukat kumwit Nzamb ukwash chakwel atwish kusal mwamu. (Kus 119:169) Ukat kulikidin uruu wa Nzamb umupukun chikurikina (Mt 13:19-23), ukat kufund uruu winou pa mukand wa muchim wend (Jnsw 3:3-6; 7:1-4), ni ukat kukudish rikis ra “jinjil jawonsu ja makasu” (Kus 119:104). Padingay Mwan a Nzamb pa divu, wamekesha manangu ma mutapu winou pitiyay ap kumujip pa mutond wa mar mulong wa kuwanyish Mifund yasambela kulejan anch ukufa mutapu winou.​—Mt 26:51-54.

w99-E 1/11 p. 20 par. 6-7

Anch Muchim wa Kupan Nakash Wikalaku

Mwant mband washimoka nakash piur pa yom yamanay ni yateshay, chawiy walonda anch: “[Ayuk] kwau atushalapol ey akata kwiman kurutu kwey ni akata kutesh yom ya manangu mey!” (1 Ant 10:4-8) Ap anch atushalapol a Salomon ading mu wimpich, pakwez mwant mband kayilejap anch ayukin mulong wa mashakamin ma wimpich madingau nich. Pakwez atushalapol a Salomon ading ayukin mulong ading ni katok ka kutesh chisu chawonsu manangu mamwinkishau Salomon kud Nzamb. Mwant mband wa ku Seba ud chilakej chiwamp nakash kud atushalapol a Yehova nlel, mulong awiy akat kwituv mu manangu ma Sakatang amwinend ni ma Mwanend Yesu Kristu!

Mwant mband winou wamwela kand Salomon mazu makwau ma usey anch: “Atumba kwend [Yehova] Nzamb wey.” (1 Ant 10:9) Wamana patok anch Yehova ndiy wamwinkisha Salomon manangu minam ni dipit diadingay nich. Yom yiney yikwatijadin kamu ni kushilamu kwasambelay kusal Yehova kud in Isarel. Wayileja anch: “Yilamany ni kuyisadil [yijidik yam], mulong yawiy yikwikal ronganyin ren ni kwijikan ku mes kwa antu. Pakez kateshau yijil yiney yawonsu akez kalond anch: ‘Chakin kamu muchid ujim winou udi wa antu akweta ronganyin ni manangu.’”​—Kuvurik Yijil 4:5-7.

w07 1/8 paj 31 par. 13

Ov, Udi “Mpich Kudi Nzamb”?

¹³ Pakatay Yehova kuyiyukish antu end, uyinkishining ching yom yiwamp. (Jakobu 1:17) Chilakej, payinkishay Yehova in Isarel ngand ya kushakam, yadinga ngand “yizwila mayel ni woch.” Ap anch ngand ya Idjibit yadinga niyawiy mutapu winou, pakwez ngand yayinkishau in Isarel kud Yehova yadinga yishalijadin ku chom chimwing cha usey nakash. Moses wayileja in Isarel anch “Ngand yiniya ayilamin kudi [Yehova] Nzamb wen.” Mu mutapu ukwau wa kulond, ela kupandakan mulong Yehova wela kusambish kuyilam. Anch in Isarel ashala ashinshamena kud Yehova, ndiy wela kuyiyukish nakash ni ela kuyipandakan patok michid yawonsu yading yiyinyingumukina. Chakin kamu, chid chiyukish cha Yehova chikata “kulet dipit”!​—Kuchind Michid 16:13; Kuvurik Yijil 4:5-8; 11:8-15.

Mapit ma mu Spiritu

w04-F 15/9 p. 25 par. 3

Manans Majim ma Buku wa Kuvurik Yijil

4:15-20, 23, 24—Ov, chijil chakangesha kusong atupony chading chifidin kulejan anch chiyipin kusong yifatul ya kuwapish nich pa ndond? Bwat. Chijil chading chikangeshin kusong atupony mulong wa kuyifukwil—chading chikangeshin “kuyifukwil ni kuyisadil.” Bibil kakangeshinap kusong chifatul ap kufatul chom mulong wa kuwapish nich pa ndond.​—1 Ant 7:18, 25.

RUBING RA 14-20 NGOND WA 6

YOM YA USEY YIDIA MU DIZU DIA NZAMB | KUVURIK YIJIL 5-6

“Yifumba Aney Kumukat Yehova”

w05-F 15/6 p. 20 par. 11

En Anvaj, Wanyishany Maswir ma Majuku Men

¹¹ Mukand wa Kuvurij Yijil 6:5-7 akat kuujimbulang nakash mu mitu ya milong ya mutapu winou. Buril amboku Bibil wey ni tang maverse minam. Umen anch ayitin chakusambish anvaj ayinau kukul mu spiritu, kumukat nakash Yehova ni kulam mazu mend mu michim yau. Chawiy komb, ufanyidinany kwilej Dizu dia Nzamb nich mushiku, kwikal ni chaku cha kutang Bibil ni kutongijokin pa yom utanginanya chakwel wijikany nawamp ni ukatany jinjil ja Yehova, mbil ni yijil yend. Mud chibudikin, ukwizwishany michim yen nich uyakin usangareshina udia mu Bibil, ukukuletinanya musangar, ni ukumwovany Yehova wom ni kumukat. Mwamu ukwikalany ni yom yiwamp yivud ukutwisha kuyifundishany anen.​—Luka 6:45.

w07-F 15/5 p. 15 par. 5

Mutapu ik Nikutwisha Kuyifumb Nawamp Anam?

Yom utongina kusal, mipak yey, ap yom yikusangareshina mu mwom wey yikat kumeken mu yom ulondina ni ku yom usadina. (Rom 2:21, 22) Kudiosh ku wanikanch, an akat kwilejin ku yom yimenau kud anvajau. An akat kuman yom yikwatinau anvaj nich usey nakash, ni yisu yivud yawiy kand yom yikatau niyau kukwat nich usey nakash. Anch umukatin kamu chakin Yehova, aney akujingunin. Chilakej, akutwish kuman anch ukwatin nich usey nakash kutang ni kwilej bibil. Akutwish kujingunin anch utekin yisakin ya Want pa ndond ya kusambish mu mwom wey. (Mateu 6:33) Anch ukat kukumangan ni kwipan mu mudimu wa kulejan pakad kujing, aney akutwish kuman anch kumusadin Yehova kud kwa usey nakash mu mwom wey.​—Mateu 28:19, 20; Hebereu 10:24, 25.

w05-F 15/6 p. 21 par. 14

En Anvaj, Wanyishany Maswir ma Majuku Men

¹⁴ Mud mulejenau mu mukand wa Kuvurik Yijil 6:7, kud yisu kushalijan ukutwishanya en anvaj kwisambin yom ya mu spiritu ni anen. Chisu wendinanya nau pamwing, usadinanya nau midimu ya ku chikumbu, wipuwangejinanya nau pamwing, ukutwish kumanany mitapu ya kuyiwanyishin anen maswir mau ma mu spiritu. Pakwez chinech chirumburikinap anch ukuyilejany uyakin wa Bibil “pakad kupim.” Chifanyidin kusal usu chakwel mambamb ma mu dijuku dien mikal makasikeshina ni mimedina pa yom ya mu spiritu. Chilakej, gazet wa Réveillez-vous ! ukwet mitu ya milong yivud yisambidina yom kushalijan. Mitu ya milong mud yiney yikutwish kutukwash kusambish mambamb mimedina pa annam atangay Yehova, jindond jiwamp nakash jidia pa mangand, ni kushalijan kwa yishankur ya antu ni mashakamin mau. Mambamb ma mutapu winou makutwish kuyibachik an kutang nakash mikand yibudishinau kud kashalapol ushinshamena ni kubabal.​—Mateu 24:45-47.

Mapit ma mu Spiritu

w19.02 paj 22 par. 11

Rukat ni Kutentam mu Isarel wa Pasak

¹¹ Malejan: Yehova kakatap kutuman mud mutapu utumeningau antu. Pakwez, ndiy ukat kuman kamu mutapu tudia mukach, yitongijok yidia mu muchim wetu. (1 Sam. 16:7) Tukutwishap ap pakemp kumujindjikin yitongijok, yovil ap yisal yetu. Ukat kukimb uwamp udia mukach ketu ni kutukasikesh kuusal. Pakwez, ukatining anch tujingunina ni tulika yitongijok yiyimp kurutu yitushikija ku kusal yom yiyimp.​—2 Jsng. 16:9; Mat. 5:27-30.

RUBING RA 21-27 NGOND WA 6

YOM YA USEY YIDIA MU DIZU DIA NZAMB | KUVURIK YIJIL 7-8

“Kangal Wez Watijanany Nau”

w12-F 1/7 p. 29 par. 2

Mulong Wak Nzamb Wayileja Atushalapol End Kwatijan Ching Ayinau?

Chakusambish, Yehova wading wij nawamp anch Satan wading ukatin kuyipumbul atushalapol End chakwel ifukwil anzamb a makasu. Chawiy chayibabeshau in Isarel kud Nzamb piur pa antu akad kumwifukwil ndiy anch “akez kayipumbul anen amakundj kulik kwinlondul am chakwel asadil akish au.” Kuziyin kwi mbil yiney kwading kwa usey nakash. Anch in Isarel awila mu difukwil dia anzamb akwau, afanyina kushadish dilau ni diking dia Nzamb, ni chafanyina chad kuyiswapel akankuny nau kuyirishikish. Chad mud anch chikala mwamu, ing mutapu ik welay Mesia kubudikin ku muchid winou? Choviken patok mulong wak Satan wayibachikang in Isarel kwatijan ni antu akad kumwifukwil Yehova.

w15 1/3 paj 18 par. 5

Kwatijan “Ching mu Mwant”—Ov, Chitwishikin?

Pakwez, Yehova ukat kutulej patok mu Dizu diend anch chifanyidin kwatijan ching mu Mwant. Ov, mulong wak? Mulong wij yom yidia yiwamp mulong wa antu end. Chidiap kusu anch mulong usotining kuyiking atushalapol end ku yom yiyimp yikutwisha kuyishiken pakwez usotining kand anch ikala ni musangar. Pa chirung cha Nehemiy, chisu chatijanangau in Yuda nau angez adinga akad kumwifukwil Yehova, Nehemiy wisambina piur pa chilakej chiyimp cha Salomon. Ap anch Salomon ‘amukata kudi Nzamb, . . . amband angez amwandjikisha mu yitil.’ (Neh. 13:23-26) Mulong wa uwamp wa atushalapolend, Nzamb utulejin anch tufanyidin kwatijan ching ni in kwifukwil end akin. (Kus. 19:7-10; Isay 48:17, 18) In Kristu akin ajikitishin kamu mulong wa diking dia Nzamb dia rukat ni atekin ruchingej rau mu umutakel wend. Pamuziyidilau mwamu mud Ntakel wau, akat kumwitiyij mud Mukaleng wa Mangand Mawonsu.​—Jnsw. 1:5.

w15 1/8 paj 29 par. 12

Babelany Arund Nen mu Machuku Minam Mansudiel

¹² In Kristu asotina kwatan ap kwachik afanyidin kubabal nakash piur pa kutond muntu wa kwatijan nend. Dizu dia Nzamb ditubabeshin anch: “Kangal wabombakanany nau antu akad ritiy. Ov, uyakin ukutwish nchik kwovijan nich kuyip? Ap, ov, chimunyik chikubombakan nchik nich mididim?” (2 Korint 6:14) Bibil uyilejin atushalapol a Nzamb anch atijanany “ching mu Mwant,” kwawiy kulond anch kwatijan ni muntu wipana kal, wabatishinau kal ni ulimishina yany ya Yehova. (1 Korint 7:39) Anch watijan ni muntu wa mutapu winou, umukatina Yehova, muntu winou ukukukwash kushal ushinshamena kud Nzamb.

Mapit ma mu Spiritu

w04-F 1/2 p. 13 par. 4

Yehova Ukat Kutuwanyishin Maswir Metu ma Pichuku Pichuku

⁴ Malembil tukata kusalang mulong wa chakudia chetu cha pichuku pichuku mafanyidin kand kutuvurish piur pa maswir metu ma chakudia cha mu spiritu cha pichuku pichuku. Ap anch Yesu wading wasalang kal machuku mavud ni nzal, wajijamana ku choziu cha Satan cha kukarumun mayal kwikal mabot palonday anch: “Mukand wa Nzamb ulondil anch: ‘Muntu kakutwishap kwikal mwom mulong wa yakudia kusu, pakwez ukwet kuswir kwa mazu mawonsu makat kulonday Nzamb.’” (Mateu 4:4) Mu verse winou, Yesu wajimbula mazu mayilejau in Isarel kud Moses anch: “[Yehova wakushikumwishanya], ni kukwovishany nzal, ni kukudishany nich mabot ma mwiur miwakadany en kwijik ap angaken, chakwel akwijikishany anch muntu kakwikalap mwom ku yakudia kusu, pakwez ukwikal mwom ching ku dizu diawonsu dikubudika mu kan mwa [Yehova].” (Kuvurik Yijil 8:3) Mutapu wapalishangay Yehova mana wayikwashang in Isarel kwikal nich yakudia ya ku mujimbu, pakwez wayinkishang kand malejan ma mu spiritu. Chilakej, muntu ni muntu wading ufanyidin kuya “ni kukungul yakudia yiwanyidina ya dichuku ni dichuku.” Anch akungul mana muvud, chilik chakadiau kutwish kupwish mu dichuku dimwing, washalangap wasambishang kununk ni kubudish amanfuny. (Kubudik 16:4, 20) Pakwez yom yiney yasadikangap pa dichuku dia musamban diading difanyidinau kukungul mana wa machuku maad mulong wa kwikal ni yakudia pa dichuku dia Sabat. (Kubudik 16:5, 23, 24) Chawiy, mana wayivurishang anch afanyidin kuziyin ni anch mwom yau yimedinap kwau pa chakudia kusu, pakwez pa “dizu diawonsu dikubudika mu kan mwa [Yehova].”

RUBING RA 28 NGOND WA 6–4 NGOND WA 7

YOM YA USEY YIDIA MU DIZU DIA NZAMB | KUVURIK YIJIL 9-10

“Chom ik Chiswiridinay [Yehova] Nzamb Wen?”

w09-F 1/10 p. 10 par. 3-4

Yom ik Yitwitinay Yehova Kusal?

Yom ik yikutwisha kutukwash kumusadin Nzamb kwa kwikatin? Moses wajimbula chom chimwing palonday anch: Ufanyidinany “kumwov [Yehova] Nzamb wen wom.” (Verse 12) Kisambinap wom ukatay kwov muntu kupwa kwa kusal yom yiyimp mulong akumupup, pakwez wom wisambinay pinap urumburikin kumulimish nakash Nzamb ni jinjil jend. Anch tumwovil Nzamb wom nakash, tukwipuk yom yikutwisha kumunenganesh.

Chad yom ik yifanyidina chakusambish kutubachik kumuziyin Nzamb? Moses wayileja in Isarel anch: Chifanyidin “kumukat, ni kumusadil [Yehova] Nzamb wen nich michim yen yawonsu, nich mipim yen yawonsu.” (Verse 12) Kumukat Nzamb kwitin yom yivud kusutamu kusu kwau kwiyov anch tumukatin Nzamb. Buku umwing urumburil anch: “Mazu ma Hebereu masadidiningau mulong wa kwisambin piur pa yovil, mamekeshin chakusambish yovil ayinau, pakwez kand yom yitubachikina yovil yiney kusal.” Buku winou ulondin kand anch kumukat Nzamb kurumburikin “kusal yom mulong tumukatin” ndiy. Charumburik anch, ang tumukatin chakin kamu Nzamb, tukusal yom yimusangareshina.​—Jinswir 27:11.

w09-F 1/10 p. 10 par. 6

Yom ik Yitwitinay Yehova Kusal?

Kuziyin kwetu kwa kwikatin kukutuletin yiyukish yivud. Moses wafunda anch: “[Lamany] yijidik ya [Yehova] . . . yinikulejinanya ilel unou mulong wa kuwap kwen.” (Verse 13) Chakin kamu, yijidik yawonsu ya Yehova, charumburik anch yom yawonsu yitwitinay kusal, yid mulong wa uwamp wetu. Mutapu ik? Bibil ulejen anch: “Nzamb udi rukat.” (1 Yohan 4:8) Anch Nzamb watwinkisha mbil chid mulong ukatin anch twikal ni musangar wa chikupu. (Isay 48:17) Anch twasal yom yitwitinay Yehova kusal, tukwipuk yakamish yivud katat ni tukwikal ni yiyukish ya chikupu pakuyikela Want wend.

cl paj 16 par. 2

Ov, Chakin Ukutwish ‘Kusej Piswimp kudi Nzamb’?

² Aburaham muntu umwing wa pasak wadinga mu urund uwamp ni Nzamb. Chawiy, Yehova wamutazuka anch “murund nam.” (Isay 41:8) Mwaning, Yehova wamutonda Aburaham kwikal murund nend. Aburaham wadinga mu urund usangareshina ni Nzamb mulong ndiy “wamwitiyija [Yehova].” (Jakobu 2:23) Nlel unou kand, Yehova ukimbining chisu cha “kutek muchim wend” kud antu amusadidininga mulong wa rukat. (Kuvurik Yijil 10:15) Dizu Diend ditukasikeshin anch: “Sejany piswimp kudi Nzamb, chad niyend ukusej piswimp ni yenen.” (Jakobu 4:8) Mu verse winou atwitin kusal yom yaad, chakusambish atutazukin ni chakaad atukanin.

Mapit ma mu Spiritu

it-1-F p. 115

In Anak

Mulad wa antu ading ayitabu ading ashicha ku jindond ja mikandu ya mu Kanan ni kuns kwa atuwit, pakampwil ku mutambu wa Kurul. Pa chisu chimwing in Anak asatu ading ijikena nakash, Ahiman, Sheshay, nend Talimay ading ashich ku Heberon. (Kuch 13:22) Kwawiy kwinikwa kwayimenau in Anak kapamp kakusambish kud in Hebereu 12 atumau mu kutentish ngand, ni in kutentish 10 apana rapor ukwatishena wom, ni kulejan anch chimeken anch amakundj inay ading an ashau kud Anefilim adingaku kurutu kwa mabeb, ni anch mu kwiyilakej nau, in Hebereu ading mud “atubwol.” (Kuch 13:28-33; Kuv 1:28) Mulong in Anak ading ayitabu nakash, kwawiy kwasambishau kuyifanakesh amakund ading ayitabu ni alemp a ku muchid wa in Em ni in Refayim nau in Anak. Chimeken anch ku usu wadingau nich kwawiy kwadioshau jinswir ulondining anch: “Nany ukutwisha kwiman kurutu kwa an a Anak?”​—Kuv 2:10, 11, 20, 21; 9:1-3.