Yom ya kusal mulong wa kutaninamu nakash mu malejan minam ma Bibil
Ileja ni Kaman wa Yehova: Mwita muntu wakwinkishang broshir winou chakwel wileja nend Bibil, ap izwish formiler udia pa kapend ka jw.org.
CHIKUNKU CHAKUSAMBISH
Tang maparagraf mawonsu, pamwing ni yipul yifundinau mu mamuny matamukina (A) ni tang maverse (B) makasikeshidina pa manans majim. Ukuman anch maverse mamwing amalejen anch “tang.”
CHIKUNKU CHA KAAD
Mazu (C) madia mu chikunku Ileja Chikurikina marumburil yom yikwisambinau kwinshin. Tumitu twa milong (D) tukasikeshidin pa manans majim. Tang maverse, akul ku yipul ni tal mavideo (E).
Shinshikin nawamp yipich ni mazu mafundinawaku (F), ni tongin mutapu wa kwakul ku yom yilejenau mu chikunku Anch Muntu Wakwel Anch (G).
CHIKUNKU CHA KASATU
Yom Twileja Kal ni Ov, uvurikin? (H) yilejen mu wiswimp yom yidia mu dilejan. Fund machuku ma ngond mapwa kal dilejan. Mu Cha kusal (I) alejenamu yom ukutwisha kusal mulong wa kusadin yom wileja kal. Mu Jingunin Kand (J) alejenamu jinsangu jikwau ukutwisha kutang ap kutal.
Mutapu wa kukimb maverse mu Bibil
Mareferans ma Bibil malejen mukand wa Bibil (A), shapitre (B), ni verse umwing ap mavud (C). Chilakej, Yohan 17:3 urumburishin mukand wa Yohan, shapitre wa 17, verse wa 3.