Mwom Wasambisha Mutapu Ik?

“Nzamb watanga ngand ni yom yawonsu yidiamu.” (Midimu 17:24) Mwawiy witiyijina niyey? Antu amwing akat kutong anch mwom kautangap kwau. Chad anch mwawiy, komb twibudikina kwetu. Pakwez anch Yehova Nzamb ndiy watanga mwom, ov, umenap anch kud diyingishin diautanginay?a Shinshikin rusangu ra Bibil rilejena mutapu wasambisha mwom ni mulong wak yom yilondinay Bibil yoviken.

1. Kwisu kwadiokala diur ni divu?

Bibil ulondin anch: “Pakusambish Nzamb watanga diur ni divu.” (Disambishil 1:1) In siyans avud itiyijin anch diur ni divu yikwet nsambishin. Mutapu ik wayitangau kud Nzamb? Wasadina ‘spiritu’ wend—charumburik anch usu wend ukatay kusadin mulong wa kuwanyish rusot rend—mulong wa kutang yom yawonsu yidia pansh ni mwiur, kuwejaku atutumbu ni maplanet.​—Disambishil 1:2.

2. Mulong wak Nzamb watanga divu?

Yehova “kamatangap [mangand] kwikal ndond yamwamu, pakwez wamatanga chakwel antu ashakamamu.” (Isay 45:18) Watanga divu nawamp chakwel yikal ndond yisangareshina yikutwishau antu kushakam chikupu. (Tang Isay 40:28; 42:5.) In siyans alondin anch divu did diwamp nakash ni dishalijadin nakash ni maplanet makwau. Ching kusu pa divu pawiy padia yom yikutwisha kumukwash muntu kudandamen kwikal mwom.

3. Antu ashalijadin mutapu ik ni annam?

Papwishay Yehova kutang divu, watanginap yitang yikweta mwom. Chakusambish, wapateka mitond ni annam. Kupwa, “Nzamb wamutanga muntu mu chifu chend.” (Tang Disambishil 1:27.) Mutapu ik ushalijadinau antu ni annam? Mulong atutanga mu chifu cha Nzamb, tukutwish kwimburij mikadil yend, mud rukat ni kutentam. Watutanga kand ni mutapu wa kwilej kulond mazu, kusanger yom yisonginau nawamp, ni wa kusanger mizik. Ni annam kakutwishap kwifukwil, pakwez etu tukutwish kumwifukwil Sakatang wetu.

ILEJA CHIKURIKINA

Shinshikin uman umekeshina anch mwom autanga ni anch yom yilejenay Bibil yoviken. Shinshikin kand yom twilejina piur pa Nzamb kusutil mikadil yikwetau antu.

4. Mwom autanga

Antu akat kuyibaz nakash mulong wa yom yisadinau kusutin kwimburij yitang. Chad nany tufanyidina kutumbish mulong wa yitang yimburijinau? Talany VIDEO, kupwa isambinany chipul ech:

VIDEO: Kumwitiyij Nzamb (2:43)

• Yom ik yasadinau kal antu kusutil kwimburij yitang?

Chikumbu chawonsu chikweting muntu wachitunga. Chad nany wasala yom tumening pa divu ni mwiur? Tang Hebereu 3:4, kupwa isambinany yipul ey:

• Pakach pa yom yatangau, yom ik yikushimokishining ey nakash?

• Ov, utongin anch choviken kamu kwitiyij anch diur ni divu ni yawonsu yidiamu ayitanga? Mulong wak?

Ov, wij?

Ukutwish kutan mitu ya milong ni mavideo yisambidina mulong winou pa jw.org pafundinau anch:

“Ov, Ayitanga Anch Yiyezina?” ni “Yitongijok Piur pa Disambishil dia Mwom.”

“Chikumbu ni chikumbu chikwet muntu wachitunga, pakwez Nzamb udi mwin kutung wa yom yawonsu”

5. Yom yilondinay Bibil anch mwom autanga yoviken

VIDEO: Ov, Diur ni Divu Ayitanga?​—Kachikunku (3:51)

• Ov, Bibil ufundishin anch divu ni yitang yikweta mwom yidiap ayitanga mu machuku musamban ma asaa 24?

• Ov, utongin anch yom yilondinay Bibil anch yom ayitanga yoviken kamu? Rumburil.

Tang Disambishil 1:1, kupwa isambinany chipul ech:

• In siyans akat kulond anch diur ni divu yikwet nsambishin. Yom yilondinau yikwatijadin mutapu ik ni yom watanga kal mu Bibil?

Antu amwing akat kutong anch Nzamb watang kwend kachom kamwing kakweta mwom, ni kachom kinak kawiy kakarumuka kwikal milad ya mwom kushalijan yidiaku nlel. Tang Disambishil 1:21, 25, 27, kupwa isambinany chipul ech:

• Ov, Bibil ufundishin anch Nzamb watanga kachom kakweta mwom, kupwa kachom kinak kakarumuka kwikal ansh, annam ni antu; anch watanga mwom ya “mitapu ni mitapu”?b

6. Muntu ud chitang cha pakampwil cha Nzamb

Tushalijadin ni annam atangay Yehova. Tang Disambishil 1:26, kupwa isambinany chipul ech:

• Mulong atutanga mu chifu cha Nzamb, ukaliweny tukweting wa kumekesh rukat ni ranaken utufundishin ik piur pend?

YOM TWILEJA KAL

Yehova watanga diur ni divu ni mwom yawonsu.

Ov, uvurikin?

• Bibil ufundishin anch diur ni divu yadiokala kwisu?

• Ov, Nzamb watanga kachom kakweta mwom kupwa kawiy kakarumuk kwikal milad yawonsu ya yitang yikweta mwom tumena nlel, anch wayitanga?

• Yom ik yisadina anch muntu ikal chitang cha pakampwil?

JINGUNIN KAND

Shinshikin yitang yimwing yimekeshina kusutin mutapu wayisalau anch komb Sakatang udiaku.

“Yitang Yitufundishin Ik?” (Lankany!, wa Ngond wa 9, 2006)

Tal mutapu ukutwishay tatuku kumurumburil mwanend uchidia kal mukemp rusangu ra Bibil rilejena mutapu watangau yom.

‘Yehova . . . Watanga Yom Yawonsu’ (2:37)

Shinshikin anch mafundish ma Bibil makwatijadin ni mafundish malondina anch mwom wakarumuka.

“Ov, Nzamb Wasadina Dikarumuk Mulong wa Kutang Milad Kushalijan ya Mwom?” (Mutu wa mulong udia pa jw.org)

Tal anch mafup makur ni kukimbijol kwa in siyans kumekeshin anch mwom autanga ap wibudikina.

Cinq questions à se poser sur l’origine de la vie (broshir)