DILEJAN DIA 02

Bibil Ulondin Anch Machuku ma Kurutu Makwikal Mawamp

Dichap

Pa mangand mawonsu, antu arishin ni milong yiyiletidina ushon, yakamish, ap kand kusansan. Ov, niyey warishinap kal ni mulong wakushikijina kal ku kwiyov mwamu? Pamwing ap wovil nayimp nakash mulong uyedin ap mulong wafishin mwanamakwey ukatina. Pamwing ap wiyipwil anch: ‘Ov, kud dichuku tukeza kashakam kamu pakad yakamish?’ Bibil wakwil mu mutapu usangareshina ku chipul chinech.

1. Yom ik yitukaninay Bibil?

Bibil kimedinap kwend kusu pa kulejan mulong wak mangand mizwil too nich milong, pakwez ulejen kand rusangu ruwamp anch milong yiney yid kwau ya mu chisu chikemp ni anch piswimp ap yikupwa. Kushilamu kwa Bibil kukutwish kukwinkish “ruchingej ra kurutu.” (Tang Jeremiy 29:11, 12.) Kushilamu kwinoku kutukwashin kujijamen milong ni kwikal ni musangar kusambish katat. Kushilamu kwinoku kutwinkishin kand kashinsh anch tukwikal ni musangar chikupu.

2. Bibil ukanin anch machuku ma kurutu makwikal mutapu ik?

Bibil ulejen anch mu machuku ma kurutu “Kukez kikalap kand rufu, ap madil, ap kwishikokin, ap kusansan.” (Tang Kujingunik 21:4.) Yom yiyimeshina antu mar nlel—mud uzwendj, kuburen kutentam, mayej, ni rufu—yikwikalakwap kand. Bibil ushidinamu anch antu akusanger mwom chikupu ni chikupu pa divu.

3. Mutapu ik ukutwisha kwikal nich kashinsh anch yom yikaninay Bibil yikuwanyin kamu?

Antu avud akat kuchingej kuman kuwanyin kwa yom yiwamp, pakwez kakwetingap kashinsh anch yom yichingejinau yikez kamu kawanyin. Pakwez yom yiney yishalijadin ni yilejenay Bibil. Tukutwish kwikal nich kashinsh anch yom yilondinay Bibil yikuwanyin kusutil “kwilej pichuku pichuku Mukand wa Nzamb.” (Midimu 17:11) Anch wilej Bibil, ukwimenap amwiney anch chakin kamu yom yilejenay Bibil piur pa machuku ma kurutu yid yakin.

ILEJA CHIKURIKINA

Shinshikin yom yimwing yikaninay Bibil yikusadika mu machuku ma kurutu. Ni tal mutapu ruchingej ripaninay Bibil riyikwashina antu nlel.

Yipich: Yipich yilejena kushalijan kudia pakach pa mashakamin makwetau antu nlel ni mashakamin malejenay Bibil makwikalau nich antu mu machuku ma kurutu. Yipich yawiy yimwing, ayimekeshin kwiur ni kwinshin.

4. Bibil ukanin anch tukutwish kushakam chikupu pakad kuman mar

Tal kwinshin oku yom yikaninay Bibil. Kushilamu ik kukusangareshina ey nakash? Mulong wak?

Tang maverse matekinau pamwing ni kushilamu kwinoku, ni akul ku yipul yilondwilaku ey:

Ov, utongin anch maverse minam makwinkishin ruchingej? Ov, utongin anch anamakwey ap arund ney akutwish niyau kwikal ni ruchingej anch amilej?

Tong bil mud ushich mwi ngand

MUDIA ANTU . . .	MUKEZAU ANTU AWONSU . . .
akad kwov kusansan, kunanap, ap kufa.—Isay 25:8.	kuyiman akatish nau akuvumbulau mulong wa kushakam pa divu.—Yohan 5:28, 29.
akad kuyel ap kwikal ni ulim.—Isay 33:24; 35:5, 6.	kusanger ukash uwamp wa mujimbu ni kakunanapap.—Job 33:25.
akad kurish ni kuburen kutentam.—Isay 32:16, 17.	kwikal ni yakudia yivud, yikumbu yiwamp, ni midimu yisangareshina.—Kuseng 72:16; Isay 65:21, 22.
akad kuman mar madiokila kwi njit.—Kuseng 46:10.	kushakam mu chisambu.—Kuseng 37:11.
akad kuvurik yom yiyimp yayisalau.—Isay 65:17.	kushakam chikupu pakad kuman mar.—Kuseng 37:29.

Mwan wadia uyedina ud katat mukash ni wamubwikatang kal makwend.

Ikundj wadia ipal ud katat nsand ni ubachikin mburuwet mudia yakudia.

5. Ruchingej riletinay Bibil rikutwish kuswimp mwom wey

Antu avud akat kuziy ap kujiman pakatau kuman yom yiyimp yisadikina mu mangand. Amwing akat kurish mulong wa kupakish kuwapish yom. Tal mutapu kushilamu kwa Bibil kulondina anch yom yikuwap kuyikwashina antu nlel. Talany VIDEO, ni kupwa isambinany yipul yilondwilaku ey:

VIDEO: Nasota Kurish ni Kuburen Kutentam (4:07)

Tuyipich: Yipich ya mu video ‘Nasota Kurish ni Kuburen Kutentam.’ 1. Padingay changadim, Rafika wading ukat kwangul ndand pamwing ni antu a ulombu wa chikit chend. 2. Rafika ukwet musangar nakash pamenay antu a ulombu wa chikit kushalijan ad pamwing pakumanganay kal ku chitentam cha Atuman a Yehova kapamp ka kusambish.

Mu video winou, kuburen kutentam ik kwamujimesha Rafika?
Bibil wamukwasha mutapu ik ap anch kuburen kutentam kwamanay kwadandamena?

Anch twitiyij yom yikaninay Bibil piur pa machuku ma kurutu, tukutwishap kuziy ni tukwikal ni musangar ap anch turishin ni milong. Tang Jinswir 17:22 ni Rom 12:12, kupwa isambinany yipul yilondwilaku ey:

Ov, utongin anch uruu wa ruchingej ulejenay Bibil ukutwish kuswimp mwom wey kusambish katat? Mulong wak?

ANCH MUNTU WAKWEL ANCH: “Yom yishidinayamu Bibil yid kwau yilat.”

Mulong wak chid cha usey anch wikimbinap amwiney uman ukwinkishina kashinsh anch kushilamu kwinoku kud kwakin?

YOM TWILEJA KAL

Bibil utwinkishin ruchingej ni utukwashin kurish ni milong mu kutukan anch machuku ma kurutu makwikal masangareshina.

Ov, uvurikin?

Mulong wak antu akwet kuswir kwa kwijik kushilamu kwa Nzamb?
Yom ik yikaninay Bibil piur pa machuku ma kurutu?
Kwikal ni ruchingej mulong wa machuku ma kurutu kukutwish kukukwash mutapu ik kusambish katat?

Dilejan diapwa kal machuku ma ngond:

Cha kusal

Sal usu wa kutang maverse malejenau mu dilejan dined chakwel wijik nawamp kushilamu kulejenay Bibil.

Yikwau:

Your other goal

JINGUNIN KAND

Jingunin kand yom yikwau yilejena mutapu ukutwisha ruchingej kukukwash kurish ni milong yey.

“Kwisu Ukutwisha Kutan Ruchingej?” (Lankany!, wa 22 Ngond wa 4, 2004)

Jingunin mutapu ruchingej ra machuku ma kurutu rikutwisha kuyikwash antu ayedina mayej makad kuyerikang.

“Ov, Bibil Ukutwish Kukukwash Anch Urishin ni Mayej Makad Kuyerikang?” (Mutu wa mulong udia pa jw.org)

Pautadina video winou, tong mud ey ni dijuku diey usangaredinany mwom mu Paradis ukaninay Bibil.

Tongin Chisu Chinicha (3:37)

Tang piur pa mutapu waswimpa mwom wa muntu umwing wading ukatina kuswimp mangand pilejay kushilamu kwa Bibil mulong wa machuku ma kurutu.

“Nikwetap Kand Kuswir kwa Kuswimp Mangand” (Chinong cha Kalam cha 1 Ngond wa 7, 2013)