Kusal Usu wa Kuyishik Antu ku Michim

Jinswir 3:1

MU WISWIMP: Yikwasha in kukutesh kusanger yom yilejinau ni kuyisadin.

MUTAPU WA KUSADIN:

• Yikwasha in kukutesh kwishinshikin ayinau. Ipul yipul mulong wa kuyikwash in kukutesh kushinshikin yovil yau.

• Kuyibachik kusal yom yiwamp. Yikwasha in kukutesh kushinshikin mulong wak asadin yom yiwamp. Yikwasha kand chakwel asala yom yipandakena kuwap mudi—kumukat Yehova, kuyikat antu ni kukat mafundish ma Bibil. Tongijok pamwing nau in kukutesh; kangal ching kusu kuyitangin. Pa ndond pa kuyiswingish, yikwasha kwiyov akasikeshinau kwinsudien kwa chikunku chey ni kuyikasikesh kusal yom yiwamp.

• Pwitin manangu padiay Yehova. Lejan mutapu umekeshina mafundish ma Bibil, mbil, ni yijil mikadil ya Nzamb ni rukat rend mulong wetwetu. Kudish mu michim ya in kukutesh maswir ma kushinshikin yovil ya Yehova ni kumusangaresh ndiy.