Ez Tukasikeshijanany

1. Tushich mu mangand mijondila nakash;

Makad kwijik yijil ya Nzamb.

Tukwet kuswir kwa umutakel wa Nzamb;

Etu ayinetu tukutwishap.

Yikumangan yikat kutukasikesh;

Ni kukudish kand ritiy retu.

Yitukwashin kusal yom yidia yiwamp,

Yikat kutwink usu wa kwipan.

Tukudiulap yijil ya Yehova;

Tukatin kusal rusot rend.

Ku yikumangan twilejin yom yiwamp;

Chakwel tukata uyakin.

2. Yehova wij kamu yom tuswiridina;

Tufanyidin kutesh mbil jend.

Kwitekin chisu mulong wa kukumangan

Kudi kumuchingejin Nzamb wetu.

Antu amakundj akata kumwov Nzamb wom,

Akat kutufundish nakash.

Nich ukwash wa anamakwetu mu ritiy,

Twij anch tudiap kwetu ayinetu.

Tuchingejin machuku mawamp ma kurutu,

Ni kuyiman akatish netu.

Twilejin mutapu wa kushakam mu mwom

Kusutin manangu ma mwiur.