Mutapu ik Ukwirijeka Mulong wa Chivurikish?

Kusambish muvu winou, tukwikal ni chisu chijim cha kwirijek mulong wa Chivurikish cha rufu ra Kristu. Anch Chivurikish chawil pakach pa Diakaj Kamwing kushik Diakatan, chikumangan Mudimu ni Mashakamin chikusadikap. Anch Chivurikish chawil Diampos ap Diarubing, diskur dia antu awonsu ni dilejan dia Chinong cha Kalam yikusadikap. Ov, ukusadin nawamp nakash chisu chinech chiwejinaku kal mu program wey? Mudi mu mivu chitot ya kusambish, chifanyidin kurijek yom kanang mulong wa chinship chinech cha pakampwil. (Lk 22:7-13; km 3/15 1) Pakwez etu awonsu tufanyidin kurijek michim yetu. Ov, mutapu ik tukutwisha kusal mwamu?

• Tongin pa usey wa kukumangan.​—1Ko 11:23-26

• Lembil ni tong piur pa urund wey ni Yehova.​—1Ko 11:27-29; 2Co 13:5

• Tang ni tongijokin pa Maverse misambidina chirumburikina Chivurikish.​—Yh 3:16; 15:13

In kulejan amwing akat kutang ni kutongijokin pa kutang kwa Bibil kudia mu broshir Tushinshikinany Mifund Dichuku Diawonsu. Akwau akat kutang maverse ma Bibil madia mu makart kwinshin oku. Pakwez akwau akat kuchirikin mitu ya milong yidia mu Chinong cha Kalam yisambidina piur pa Chivurikish ni rukat ratumekeshinay Yehova ni Yesu. Chikalap nchik mulad wa dilejan utondina, el dikusejisha piswimp nakash ni Yehova ni Mwanend.