CHIPUL CHA 7
Yom ik yasambelay Bibil kulejan piur pa chirung chetu?
“Muchid ukez karish ni muchid ukwau, want ukez karish ni want ukwau . . . Yom yiney yawonsu yikwikal disambishil da mar mapandakena.”
“Kukez kamekan aprofet a makasu avud ni akez kayipumbul antu avud; ni mulong kujip kwa yijil kukez kavulijan, rukat ra antu avud rikez katalal.”
“Paukuteshanya milong ya njit ni jinsang ja njit, kangal wakamany; yom yiney yifanyidin kushiken, pakwez kidawiyap disuden.”
“Kukez kwikal kuzal kujim kwa divu, kamungun kwi ndond yimwing kupwa yikwau, yipupu; antu akuman yom yovishena wom ni yijingidij yijim mwiur.”
“Mu machuku ma nsuden kukwikal yisu yikash kurish nich. Mulong antu akwikal in kwikat ayinau, in kukat nfalang, in kwibaz, in kwimekesh, in kumusaal Nzamb, in kuyibwambwil anvaj, akad kujikitishang, akad kushinshaman, akad rukat ra wanamaku, akad muchim wa kwovijan, in kafukej, akad kwilam, in chisum, akad kukat yom yiwamp, in matung, akweta mitu yikash, in kwitutul, in kukat kwisangaresh pa ndond pa kumukat Nzamb, amekena mud alamatin kud Nzamb, pakwez usu wa kulamat kud Nzamb uswimpinap mwom yau.”