“Chakin Kamu Dined Diawiy Dijin Dijim dia Nzamb Utumbila Nakash”

Nicholas wa Cusa walonda mazu mafundishay mu muvu wa 1430.a Wadinga muntu wipanina ku yom yivud, ni wipana nakash mulong wa kwilej mifund ya Grek, ya Hebereu, filozofi, teoloji, matematik, ni astronomi. Pawanyishay mivu 22, wikala dokiter wa in Katolik mu Rome mulong wa buku wa yijil. Mu muvu wa 1448 amuteka mudi cardinal.

Mu kusut kwa muvu wa 550, Nicholas wa Cusa watunga chikumbu cha kuyilamin amapal ku Kues, utazukinau katat anch Bernkastel-Kues, musumb wadinga pa chintamp cha akilometre 130 kwinkaj kwa Bonn, mu Allemagne. Mu chin chikumbu chend omu mwadinga kand ndond yend ya kulamin mikand yadinga uvud wa 310. Umwing wa mikand yiney mwadinga Codex Cusanus 220 mwatanau mafundish ma Cusa 1430. Mu mafundish minam, In principio erat verbum (Pakusambish pading Dizu), Nicholas wa Cusa wasadila Latin mu kusadilang lehoua mulong wa Yehova.b Paj wa 56 ukwet mazu mulong wa dijin dia Nzamb: “Kudi kupan kwa Nzamb. Madi Matetragram, dijin adisadil nich mamuny manying. . . . Chakin kamu dined diawiy dijin dijim dia Nzamb utumbila nakash.” Nicholas wa Cusa mazu mend amitiya kamu anch dijin dia Nzamb diamekana mu Mifund ya pakur ya Hebereu.—Kub. 6:3.

Codex winou wa mu siècle wa 15 udi kamu wa pakur wadinga ni mikand yikweta Matetragram utazukinau anch “lehoua.” Uman winou wa kufund umekeshin kamu anch dijin dia Nzamb didi kamu chimwing anch “Yehova” disadedilau kamu nawamp diafundau kamu mu mivu ya kwinyim.

[Mazu madia kwishin kwa paj]

[Chipich chidia pa paj wa 16]

Ndond ya Kutek Mikand ya Cusa