Dichirikin dia Shikol ya Mudimu wa Uteokras
Yipul yilondwilaku ey akez kuyishinshikin ku Shikol ya Mudimu wa Uteokras pa rubing ra Kafumpul 27, 2012. Machuku ma ngond malejena chisu chatenchikau mutu ni mutu wa mulong wa kwisambin madi mu program ni mudi kand kukimbijol kukutwisha kukukwashany chisu wirijekinany ku shikol ya rubing ni rubing.
1. Ov, yom yamanay Ezekiel mu chishimushimu yitadina Yuda mwin kubwambwil ufanikeshinau, yitufundishin dilejan ik dia usey? (Ezek. 8:15-17) [Kafunfut 2, w07 1/7 p. 13 par. 6; w93-F 15/1 p. 27-28 par. 7, 12]
2. Ov, mu jinjil ik antakel avud a marelijon akat kwimburij a profet a makasu a mu chirung cha Ezekiel? (Ezek. 13:3, 7) [Kafunfut 9, w99-F 1/10 p. 13 par. 14-15]
3. Uprofet ufundinau mu Ezekiel 17:22-24, ov, nany udia “karis ka mutond,” ov, “mukandu ulemp” wakunirilau chom ik, ni mu mutapu ik ndiy ukez kwikal “mutond wa ufun mudi wa kanjadil”? [Kafunfut 16, w07 1/7 p. 12-13 par. 6]
4. Kwambatan nich mazu ma chishimu chikat kulondau mafundinau mu Ezekiel 18:2, ov, antu aya ni Ezekiel mu winkwal apana mar mau kudi anany, ni dilejan ik dia usey tukutwisha kwilej piur pa rusangu riner? [Kafunfut 23, w88-F 15/9 p. 18 par. 10]
5. Ov, chom ik chifundinau mu Ezekiel 21:18-22 chimekeshina anch kwikil antu ap ayilembil amwing akutwisha kukangesh rutong ra Yehova kuwanyin? [Kafunfut 30, w07 1/7 p. 14 par. 4]
6. Kwambatan nich mazu mafundinau mu Ezekiel 24:6, 11, 12, nnung yakwatina kal ankal yakad kwoyish yifanikeshin ik, ni yany ik yidia mu verse 14? [Kafumpul 6, w07 1/7 p. 14 par. 2]
7. Ov, mutapu ik wawanyina uprofet wabwakau piur pa musumb wa Tir? [Kafumpul 6, it-1-F p. 75, mushet; si-F p. 133 par. 4]
8. Mazu mafundinau mu Ezekiel 28:2, 12-17, ov, mafanyidina kamu kudi “mwant wa Tir” ni kudi mwin matungu wa kusambish, Satan? [Kafumpul 13, w05 1/11 p. 14-15 par. 10-14; it-2-F p. 550 par. 3-4]
9. Ov, chisu ik chikala Idjibit mpay mu mivu 40, ni ukashinsh ik wa pa dishin tukweta anch kusheshik kwinoku kwasadika? (Ezek. 29:8-12) [Kafumpul 13, w07 1/8 p. 20 par. 5]
10. Ov, mutapu ik warishay Ezekiel nich kulik kumutesh, kumupipej, kuburen kwitiyij kwa antu ni ruchingej ik ramwinkishau kudi Yehova? (Ezek. 33:31-33) [Kafumpul 20, w91-F 15/3 p. 16-17 par. 16-17]