Dichirikin dia Shikol ya Mudimu wa Uteokras
Yipul yilondwilaku ey akez kuyishinshikin ku Shikol ya Mudimu wa Uteokras pa rubing ra Kalol 29, 2015. Machuku ma ngond malejena chisu chatenchikau mutu ni mutu wa mulong wa kwisambin madi mu program ni mudi kand kukimbijol kukutwisha kukukwashany chisu wirijekinany ku shikol ya rubing ni rubing.
Ov, makasu ik mamwing masadinay Mikal chakwel isamba ni David, ni dilejan ik difanyidinau ambay a uruw kwilejin ku rusangu riner? (2 Sam. 6:20-23) [Ndol-Mem 11, w11-F 1/8 p. 12 par. 1]
Ov, mutapu ik wakulay profet Natan ku dipup dia Yehova mulong wa kumulej David chakwel atakela ni atunga tempel wa Yehova? (2 Sam. 7:2, 3) [Ndol-Mem 11, w12-F 15/2 p. 24 par. 6-7]
Ov, mulong wak Natan wisambina pa chishimu chidia mu 2 Samwel 12:1-7 pa ndond pa kumulej kapamp kamwing David anch ndiy wasadina chitil chikash? Ov, mutapu ik rusangu riner rikutukwasha kwikal alej awamp? [Ndol-Mem 18, w12-F 15/2 p. 24 par. 2-3]
Ov, mulong wak Abisalom washikena mu kuyidimb in Isarel, ni mutapu ik tukutwisha kwiking ayinetu ni antu adia mudi ‘Abisalom’ a mu chirung chetu? (2 Sam. 15:6) [Ndol-Mem 25, w12 1/7 p. 18 par. 7]
Ov, mutapu ik wamukwashau David kudiay Yehova padingay mu maswir ni chom ik tukutwisha kwilejin ku rusangu riner? (2 Sam. 17:27-29) [Kalol 1, w08 15/9 p. 6 par. 15-16]
Ov, mutapu ik tukutwisha kutaninamu ku chilakej cha David pantaliken ni mutapu wa mulimishay Itay? (2 Sam. 18:2) [Kalol 1, w09-F 15/5 p. 27 par. 7]
Ov, mutapu ik ukutwishau amapal kutaninamu kusutil ku chilakej cha Barizilay? (2 Sam. 19:33-35) [Kalol 8, w07-F 15/7 p. 15 par. 1-2]
Ov, mutapu ik mazu ma kushinshaman ma David mayikasikeshin atushapol a Yehova nlel unou? [Kalol 15, w10F 6/1 p. 26 par. 6-7]
Ov, mutapu ik Natan wamekesha kushinshaman kwend kudiay Nzamb, ni mutapu ik tukutwisha kwimburij mwikadil winou nlel unou? (1 Ant 1:11-14) [Kalol 22, w12-F 15/2 p. 25 par. 1, 4-5]
Ov, mu mashakamin ma mwom ik mukutwishay kashalapol wa Nzamb kusadil chitongijok chakad kuwanyin cha kutek kuns chijil cha Nzamb, mudi mwasalay Salomon? (1 Ant 3:1) [Kalol 29, w11 1/12 p. 12 par. 12-14]