Ov, Uvurikin?

Ov, watangin ni nkeu yom yisambidinau mu Yinong ya Kalam ya muvu winou? Tal anch ukutwish kwakul ku yipul yilondwilaku ey:

Chirumburikin ik “kuswimp mutapu wen wa kutong”? (Rom 12:2)

Chinech chirumburikinap anch tufanyidin kwetu kusal yom yikemp yiwamp mu mwom wetu. Pakwez, tufanyidin kushinshin wuntu wetu wa mukach ni kuswimp chom chawonsu chitina kuswimp, chakwel twikasikesh kuziyin kwi mbil ja Yehova.​—w23.01, paj 8-9.

Mulong wak tufanyidin kushinshikin mutapu yom yisadikina mu mangand nlel yiwanyishina uprofet wa Bibil?

Tukwet diyingishin diwamp dia kushinshikin mutapu yom yisadikina katat mu mangand yiwanyishina uprofet wa Bibil. Mulong tukatinap kulond chom chikutwisha kulet kwaurok mu chikumangen, tufanyidin kwimen pa yom yansudien yijikishinay kashalapol. (1 Kor. 1:10)​—w23.02, paj 16.

Mutapu ik dibatish dia Yesu dishalijadina ni dia in kwilejend?

Mulong wavadikina mu muchid wading wipanina kal kud Nzamb, Yesu kadingap kakweta kuswir kwa kukarumuk ku yitil ap kwit kom kishitwila, mulong wading muntu uwanyidina, wakad chitil.​—w23.03, paj 5.

Mutapu ik tukutwisha kuyinkish antu akwau mitapu ya kwakul ku yikumangan?

kupan yakul yiswimp, Anch twasal mwamu tukutwish kuyishil antu akwau chisu cha kwakul. Mwamu kwikukal yom yikutwishau antu akwau kwakul.​—w23.04, paj 23.

Chom ik chirumburikina “Mukombil Utumbila” walejenau mu Isay 35:8?

Njil yijim ya chifanakesh yamekesha chakusambish njil ya in Yuda kudokal mu Babilon mulong wa kuchirik kol kwau. Kurumburikin ik kud etu nlel unou? Kudiokal mu muvu wa 1919, mudimu wa kurijek “Mukombil Utumbila” wadandamena,​—mudimu wa kukarumun ni kuchap ma Bibil ud pakach pa yom yiney. Antu a nzamb endila mu “Mukombil Utumbila” utwadina mu paradis wa mu spiritu, ukuleta yiyukish ya want.​—w23.05, paj 15-19.

Jinswir 9 upanin yiyul ik yisambidina piur pa amband aad achifanakesh?

Jinswir ulondin anch kutazuk kwa “mband chisup” kutwadin “Mwi nzay” ni kutazuk kwa “manangu makin,” amafanikeshin ni mband, utazukena “mwi njil yiwamp” ni yitwadina ku mwom. (Jnsw. 9:1, 6, 13, 18)​—w23.06, paj 22-24.

Kwipish kwa Nzamb ni kwisakan kwend yamekana mutapu ik kud kud Lot?

Yehova wamuleja Lot ikundj wading utentamina kuchinin kwi ndond ya mikandu. Chawiy, wita chakwel ndiy ni dijuku diend achinina ku Zowar, Yehova kamukangeshapt.​—w23.07, paj 21.

Yom ik yifanyidinay mband kusal anch mbay nend watal pornografi?

Kafanidinap kwifish nich. Ufanyidin chushishik pa urund wend ni Nzamb ni kutonyijokin pa nsangu ja amband tutangina mu Bibil yikutwisha kumukasikesh. Ukutwish kumukwash nfumwend kwipuk yom yikutwisha kumushikij kutal kand.​—w23.08, paj 14-17.

Anch atupul piur pa yitiyij yetu, mutapu ik ukutwisha manangu kutukwash kwikal utudishina?

Tukutwiah kuman chipul chipulangay muntu mud njil ya kwilej chom chitonginay ap chitiyijinay. Tufanyidin kwakul nich kwikepish.​—w23.09, paj 17.

Yom ik tukutwisha kwilejin piur pa yom ya mukasikesha Mariy?

Pijikay anch ukwikal makwend a Mesiya, Mariy amukasikesha kud antu akwau. Gabriel ni Elizabet amukasikesha Mariy kusutil mifund. Mud Mariy, niyey kand akutwish kukukasikesh kud ambay ney in Kristu.​—w23.10, paj 15.

Mutapu ukat Yehova kwakul ku malembil metu?

Ushidilamu kutesh malembil metu ni kumakul kukwatijan ni rusot rend. (Jer. 29:12) Ukutwish kumakul mu mitapu kushalijan, pakwez ukat kutukwash chisu chawonsu.​—w23.11, paj 21-22.

Rom 5:2 isambidinamu piur pa “ruchingej” ni mutapu ik urumbirilau ruchingej mu verse 4?

Kusutin kutesh rusangu ruwamp, muntu ukutwish kwikal ni ruchingej ra kusanger mwom mu paradis pa divu. Pakwez parishinay ni yakamish kujijaman ukutwish kwikal mutapu uwamp wa kwikal ni dilau dia Nzamb, ruchingej rend rukupam ni rikwikal ra pakampwil.​—w23.12, paj 12-13.