Kimb Ndond Yiwamp ya Kwilejin

Ov, ukatin kutaninamu nakash mu dilejan dey da Bibil? Yitongijok ey yikutwish kukukwash kutaninamu nakash chisu wilejina:

• Tond ndond yiwamp. Anch chiswapel, kimb ndond yinangina ni muda chitokish chiwanyidina mulong wa kutang nawamp. Ukutwish kushakam ku tebur, ap kukimb ndond yiwamp pol.

• Kimb ndond ukutwisha kwikal amwiney. Yesu walembila “pamanch nakash . . . kwi ndond ya amwinend.” (Mar. 1:35) Anch ukwetap mutapu wa kwikal amwiney, komb yileja antu a mu dijuku dey ap antu ushicha nau chisu ukwileja ni yita chakwel kangal akuletin kampuw chisu wilejina.

• Ipuk yom yawonsu yikutwisha kukuletin kampuw. Anch ukat kusadin telefon ap tablet mulong wa kwilej, yiteka mu mode silencieux ap mu mode avion chakwel kangal yikuletin kampuw. Pa chisu wilejina anch wavurik chom kampand wafanyinang kusal, chifunda pa ndond kanang ni dandamen kwey kwilej. Anch utwishinap kushinshikin nawamp pa yom wilejina, pimaku ni kwendaku pakemp ap kwiyonanaku kand.